Baafata Mata Duree

Namoonni addunyaa maratti argaman bilisummaa dabalataa argachuu barbaadu. Kiristiyaanonni bilisummaadhaaf ilaalcha akkamii qabaachuu qabu? Mata dureen lamaan kun bilisummaa dhugaan maal akka taʼe, argachuu kan dandeenyu akkamitti akka taʼee fi yeroo harʼaatti bilisummaa keenya isa daangaa qabuun ofis taʼe warra kaan fayyaduu kan dandeenyu akkamitti akka taʼe ibsa. Hunda caalaa garuu, Yihowaa isa Waaqa bilisummaa dhugaa taʼeef ulfina kennuu kan dandeenyu akkamitti akka taʼe baranna.

Mata dureewwan kun lamaan Yihowaan yeroo hundumaa tajaajiltoota isaa akka jajjabeessuu fi tajaajiltoonni isaa baroota adda addaa keessa jiraatanis fakkeenya isaa akka hordofan ibsu. Wal jajjabeessuun yeroo kam iyyuu caalaa ariifachiisaa kan taʼe maaliif akka taʼes ni ilaalla.

Dargaggoonni gumii keessatti argaman Yihowaa gammachiisuu irratti kan xiyyeeffatan yoo taʼe ni fayyadamu. Mata dureen kun, sababii dargaggummaatti galmawwan hafuuraa baasuu itti qabnuu fi tajaajilaaf dursa kennuu itti qabnu ibsa.