Dandeettii Tajaajilarratti Qabnu Fooyyeffachuu​—Karaa Alidilee Taʼeen Dhugaa Baʼuuf Marii Jalqabuu

Barbaachisaa Kan Taʼe Maaliifi? Yeroo manaa gara manaa deemnee tajaajillu, yeroo baayʼee namoonni manasaaniitti hin argaman. Haataʼu malee, namoota kana geejjibarratti, mana yaalaatti yeroo dabaree eeggannu, akkasumas bakka hojiittiifi mana barumsaatti saʼaatii boqonnaatti isaan arganna taʼa. Yihowaan namoonni hundumtuu ergaa Mootummichaa akka dhagaʼan barbaada. (1 Xim. 2:3, 4) Dhugaa baʼuuf yeroo baayʼee dursa fudhannee marii jalqabuu qabna.