Нӕ цӕстытыл-ма ауайын кӕнӕм, Йегъовӕйӕн куы нӕ лӕггад кӕниккам, уӕд нӕ цард цыхуызӕн уаид. Уыдӕттыл куы хъуыды кӕнӕм, уӕд Йегъовӕйыл иузӕрдионӕй баззайдзыстӕм ӕмӕ нӕ бон уыдзӕн псаломзарӕггӕнӕгау зӕгъын: «Мӕнӕн та хорз у Хуыцаумӕ ӕввахс кӕнын» (Пс. 73:28). Ацы фӕстаг бонты цыфӕнды зындзинӕдтыл ма сӕмбӕлӕм, уӕддӕр сын бафӕраздзыстӕм, уымӕн ӕмӕ лӕггад кӕнӕм «удӕгас, ӕцӕг Хуыцауӕн» (1 Фес. 1:9). Уый нӕ уарзы ӕмӕ нын алкӕддӕр ӕххуыс кӕндзӕн. Афтӕ кодта раджы заманты ӕмӕ афтӕ кӕндзӕн абон дӕр. Тагъд уыдзӕн, чи никуыма уыд, ахӕм стыр бӕллӕх. Фӕлӕ мах иунӕг нӕ уыдзыстӕм, Йегъовӕ уыдзӕн немӕ. Уымӕ гӕсгӕ нӕ бон у ныфсджынӕй зӕгъын: «Йегъовӕ у ме ’ххуысгӕнӕг, ӕмӕ ӕз ницӕмӕй фӕтӕрсдзынӕн» (Дзут. 13:5, 6). w24.06 25 ф., 17, 18 абз.

Библийӕ базонӕн ис, Израилы кӕй уыд 40 паддзахӕй фылдӕр. Хорз паддзӕхтӕ дӕр ӕвзӕр хъуыддӕгтӕ арӕзтой, зӕгъӕм, паддзах Давид. Давиды тыххӕй Йегъовӕ загъта: «Уый... ӕппӕт зӕрдӕйӕ мӕ коммӕ каст ӕмӕ арӕзта, мӕ цӕсты раст цы у, ӕрмӕстдӕр уый» (1 Пад. 14:8). Фӕлӕ Давид кӕйдӕр усимӕ ӕмуат ӕрцыд ӕмӕ йын йӕ лӕджы амарын кодта (2 Сам. 11:4, 14, 15). Фӕлӕ-иу ӕвзӕр паддзӕхтӕй дӕр бирӕтӕ хорз хъуыддӕгтӕ арӕзтой, зӕгъӕм, Ровоа́м. Уый арӕзта, Йегъовӕйы цӕсты «ӕвзӕр цы уыд, уый» (2 Аз. 12:14). Фӕлӕ Израилы дӕс мыггаджы куы бафӕндыд, цӕмӕй ахицӕн уыдаиккой ӕмӕ сӕхицӕн паддзах куы равзӕрстой, уӕд Ровоам Йегъовӕмӕ байхъуыста, ӕмӕ семӕ не схӕцыд. Уымӕй уӕлдай ма Иудӕйы горӕттӕ фӕфидардӕр кодта, цӕмӕй адӕм знӕгтӕй хъахъхъӕд уыдаиккой (1 Пад. 12:21–24; 2 Аз. 11:5–12). Йегъовӕйы цӕсты иутӕ хорз паддзӕхтӕ цӕмӕн уыдысты, иннӕтӕ та – ӕвзӕр? Ӕвӕццӕгӕн-иу Йегъовӕ каст, ӕппӕт зӕрдӕйӕ йӕ уарзта ӕви нӕ, уымӕ. Стӕй-иу йӕ тӕригъӕдтыл зӕрдӕйӕ ӕрфӕсмон кодта ӕмӕ йын куыд ӕмбӕлы, афтӕ лӕггад кодта ӕви нӕ, уымӕ. w24.07 20 ф., 1–3 абз.

Уӕззау тӕригъӕд чи сарӕзта, ахӕм донаргъуыд хо кӕнӕ ’фсымӕрыл 18 азы куы нӕма цӕуа, уӕд та? Ахӕм уавӕры хистӕр нӕлгоймӕгты совет дыууӕ хистӕр нӕлгоймагӕн бахӕс кӕнынц, цӕмӕй йемӕ ӕмӕ йӕ чырыстон ныййарджытимӕ фембӕлой. Уыдон ныййарджыты бафӕрсдзысты, цы сарӕзтой, цӕмӕй сӕ сывӕллонӕн ӕрфӕсмон кӕнынӕн баххуыс кӕной. Кӕд сывӕллон йӕ ныййарджыты уынаффӕтӕм хъусы ӕмӕ ивы, уӕд, гӕнӕн ис, дыууӕ хистӕр нӕлгоймаджы аскъуыддзаг кӕной, уыдоны бар ӕй кӕй ныууадздзысты. Хистӕр нӕлгоймӕгтӕ зонынц, сывӕллӕттӕн зонд амонын Йегъовӕ ныййарджытӕн кӕй бахӕс кодта (Дык. з. 6:6, 7; Ӕмб. 6:20; 22:6; Еф. 6:2–4). Хистӕр нӕлгоймӕгтӕ-иу уый фӕстӕ рӕстӕгӕй-​рӕстӕгмӕ ныййарджытимӕ аныхас кӕндзысты, цӕмӕй базоной, сывӕллонӕн дарддӕр дӕр ӕххуыс кӕнынц ӕви нӕ. Фӕлӕ донаргъуыд ӕрыгон хо кӕнӕ ’фсымӕр куы нӕ фӕсмон кӕна ӕмӕ йӕ ивын куы нӕ фӕнда, уӕд та? Уӕд хистӕр нӕлгоймӕгты комитет фембӕлдзӕн йемӕ ӕмӕ йӕ чырыстон ныййарджытимӕ. w24.08 25 ф., 18 абз.