Хистӕр нӕлгоймӕгтӕн сӕ бон куыд у Йесойы фӕзмын? Уыдон хъуамӕ ӕфсымӕрты ахуыр кӕной, уыимӕ ӕрыгӕтты дӕр, цӕмӕй ӕмбырды фылдӕр хӕстӕ ӕххӕст кӕной. Хистӕр нӕлгоймӕгтӕ ӕмбарынц, уыцы ӕфсымӕрты нырма бирӕ цӕуылдӕрты кӕй хъӕуы ахуыр кӕнын. Ӕмӕ сын хъуамӕ ӕххуыс кӕной, цӕмӕй уой сӕрныллӕг, ӕууӕнчы аккаг ӕмӕ иннӕтӕн лӕггад кӕнынмӕ цӕттӕ уой (1 Тим. 3:1; 1 Пет. 5:5). Адӕмӕн хорз хабар хъусын кӕнынӕй уӕлдай ма Йесо йӕ ахуыргӕнинӕгтӕн бахӕс кодта, цӕмӕй сын Фыстад ӕмбарын кодтаиккой. Уыдон, чи зоны, хъуыды кодтой, ӕмӕ уыцы хӕс ӕххӕст кӕнын сӕ бон нӕ бауыдзӕн. Фӕлӕ Йесо нӕ дызӕрдыг кодта, кӕй сын рауайдзӕн, ууыл. Ӕмӕ сын афтӕ дӕр уымӕн загъта: «Мӕ Фыд мӕн куыд рарвыста дунемӕ, афтӕ уӕ ӕз дӕр ӕрвитын дунемӕ» (Иоан. 20:21). w24.10 16 ф., 15 абз.; 17 ф., 17 абз.

Давид уыд тынг хорз паддзах. Уый ма уыд музыкант, поэт, хӕстон лӕг ӕмӕ пехуымпар дӕр. Бирӕ азты дӕргъы йӕ бахъуыд паддзах Саулӕй ӕмбӕхсын, уымӕн ӕмӕ йӕ Саул марынмӕ хъавыд. Паддзах куы сси, уӕд та лидзинаг фӕци йӕ фырт Авессаломӕй. Уый хъавыд йӕ фыды паддзахбадӕн бацахсынмӕ. Кӕд Давидӕн йӕ цард ӕнцон нӕ уыд ӕмӕ стыр рӕдыдтытӕ дӕр сарӕзта, уӕддӕр йӕ мӕлӕты онг Хуыцауыл иузӕрдион уыд. Йегъовӕ йӕ схуыдта йӕ «зӕрдӕйӕн адджын» адӕймаг. Уӕдӕ Давиды уынаффӕтӕм куыдфӕндыйы цӕстӕй кӕсӕн нӕй (1 Пад. 15:5). Соломон паддзах куы сси, уый размӕ йын йӕ фыд Давид радта уынаффӕ. Йегъовӕ ӕрыгон Соломоны равзӕрста, цӕмӕй йын йӕ номыл кувӕндон сарӕзтаид (1 Аз. 22:5). Уый тынг стыр куыст уыди. Стӕй цӕмӕй адӕмӕн разамынд лӕвӕрдтаид, уый тыххӕй дӕр ӕй Йегъовӕйы ӕххуыс хъуыд. Давид йӕ фыртӕн загъта, Йегъовӕмӕ куы хъуса, уӕд ын кӕй арфӕ кӕндзӕн ӕмӕ хорз разамонӕг кӕй уыдзӕн (1 Пад. 2:2, 3). w24.11 10 ф., 9–11 абз.

Йӕ усмӕ йӕ къух чи исы кӕнӕ йӕ ныхасӕй чи ’фхӕры, уыцы лӕджы хъӕуы цалдӕр хъуыддаджы саразын, цӕмӕй та Йегъовӕмӕ баввахс уа ӕмӕ йӕ бинойнагимӕ дӕр йӕ цард банывыл кӕна. Фыццаг: хъуамӕ бамбара, тынг кӕй рӕдийы. Йегъовӕйӕ ӕмбӕхст ницы у (Пс. 44:21; Еккл. 12:14; Дзут. 4:13). Дыккаг: хъуамӕ йӕ бинойнаджы мауал ӕфхӕра ӕмӕ архайа, цӕмӕй бынтондӕр аива (Ӕмб. 28:13). Ӕртыккаг: хъуамӕ йӕ бинойнагӕй дӕр ӕмӕ Йегъовӕйӕ дӕр хатыр ракура ӕмӕ архайа, цӕмӕй йын ныххатыр кӕной (Хъуыд. 3:19). Стӕй ма хъуамӕ Йегъовӕйӕ ӕххуыс дӕр кура, цӕмӕй йӕ бафӕнда аивын, стӕй цӕмӕй сахуыр уа йӕхиуыл хӕцын, ӕмӕ йӕ зондахаст, йӕ ныхӕстӕ ӕмӕ йӕ хъуыддӕгтӕ Йегъовӕйы зӕрдӕмӕ цӕуой (Пс. 51:10–12; 2 Кор. 10:5; Фил. 2:13). Цыппӕрӕм: хъуамӕ архайа йӕ куывдтытӕм гӕсгӕ ӕмӕ йе сӕфт фена, цытӕ арӕзта, уыдӕттӕй. Ӕмӕ хъуамӕ макуыуал иса йӕ къух йӕ бинойнагмӕ ӕмӕ йын ӕфхӕрӕн ныхас макуыуал кӕна (Пс. 97:10). Фӕндзӕм: хъуамӕ хистӕр нӕлгоймӕгтӕй уайтагъд ӕххуыс ракура (Иак. 5:14–16). Ӕхсӕзӕм: хъуамӕ йӕхицӕн скӕна пълан, дарддӕр куыд архайдзӕн, цӕмӕй ахӕм митӕ макуыуал кӕна. w25.01 11 ф., 14 абз.