-
Йӕ тыхы фӕрцы алцыдӕр фӕстӕмӕ йӕ къахыл слӕууын кӕны. Йегъовӕ «цыдӕриддӕр аразы,– ӕппӕт дӕр у ног»Баввахс у Йегъовӕмӕ
-
-
3. Йегъовӕ нын Хъуыддӕгты 3:21 стихы зӕрдӕ цӕмӕй ӕвӕры ӕмӕ уыцы зӕрдӕвӕрд куыд сӕххӕст кӕндзӕн?
3 Уӕдӕ адӕймаг куы базоны, Йегъовӕмӕ ахӕм тых кӕй ис, цӕмӕй алцыдӕр ногӕй сараза, уӕд ӕй уый стыр ныфс бауадзы. Ацы сӕрӕй базондзыстӕм, Хуыцау йӕ адӕмӕн фӕстӕмӕ кӕй ратдзӕн, ӕнӕхай цӕмӕй фесты, уыдӕттӕ. Библийӕ зонӕм, Йегъовӕйы кӕй фӕнды, цӕмӕй алцыдӕр фӕстӕмӕ йӕ «къахыл слӕууын кӕна» (Хъуыддӕгтӕ 3:21). Йегъовӕ йӕ фӕнд сӕххӕст кӕндзӕн Мессийӕйы Паддзахады фӕрцы. Уыцы Паддзахадӕн йӕ сӕргъы лӕууы йӕ Фырт Йесо Чырысти. Дунейы цы хабӕрттӕ ’рцыд, уыдонӕй бӕрӕг у, Хуыцауы Паддзахад уӕлӕрвты бартӕ йӕ къухмӕ кӕй райста 1914 азыa (Матфейы 24:3–14). Аныхас кӕнӕм, Йегъовӕ цы диссаджы хъуыддӕгтӕ аразы, уыдонӕй цалдӕрыл. Иу дзы абон нӕхи цӕстӕй уынӕм ӕмӕ ма дзы архайгӕ дӕр кӕнӕм. Иннӕтӕ та Йегъовӕ сараздзӕн фидӕны ӕппӕт адӕмӕн дӕр.
-
-
Йӕ тыхы фӕрцы алцыдӕр фӕстӕмӕ йӕ къахыл слӕууын кӕны. Йегъовӕ «цыдӕриддӕр аразы,– ӕппӕт дӕр у ног»Баввахс у Йегъовӕмӕ
-
-
a Алцыдӕр «фӕстӕмӕ... [йӕ] къахыл слӕууын кӕныны рӕстӕг» ралӕууыд, Мессийӕйы Паддзахад уӕлӕрвты куы сфидар ӕмӕ паддзах Давиды байзӕддаг йӕ Паддзах куы сси, уӕд. Йегъовӕ Давидӕн зӕрдӕ бавӕрдта, йӕ байзӕддаг паддзах ӕнустӕм кӕй уыдзӕн (Псалом 89:35–37). Фӕлӕ н. э. размӕ 607 азы, вавилойнӕгтӕ Иерусалим куы ныппырх кодтой, уӕдӕй фӕстӕмӕ Давиды байзӕддӕгтӕй иу дӕр Хуыцауы паддзахбадӕныл нал ӕрбадт. Йесо уыд Давиды хӕдзарвӕндагӕй ӕмӕ уӕлӕрвты паддзахбадӕныл куы ’рбадт, уӕд зӕрдӕвӕрд Паддзах сси.
-