9 ਇਸਹਾਕ ਅਤੇ ਇਸਮਾਏਲ ਨੇ ਆਪਣੇ ਪਿਤਾ ਨੂੰ ਹਿੱਤੀ ਸੋਹਰ ਦੇ ਮੁੰਡੇ ਅਫਰੋਨ ਦੀ ਜ਼ਮੀਨ ਵਿਚਲੀ ਮਕਫੇਲਾਹ ਦੀ ਗੁਫਾ ਵਿਚ ਦਫ਼ਨਾ ਦਿੱਤਾ ਜੋ ਮਮਰੇ ਦੇ ਸਾਮ੍ਹਣੇ ਹੈ।+ 10 ਇਹ ਜ਼ਮੀਨ ਅਬਰਾਹਾਮ ਨੇ ਹਿੱਤੀਆਂ ਤੋਂ ਖ਼ਰੀਦੀ ਸੀ। ਉਸ ਨੂੰ ਵੀ ਉੱਥੇ ਉਸ ਦੀ ਪਤਨੀ ਸਾਰਾਹ ਦੇ ਨਾਲ ਦਫ਼ਨਾਇਆ ਗਿਆ।+ 

29 ਇਸ ਤੋਂ ਬਾਅਦ ਉਸ ਨੇ ਉਨ੍ਹਾਂ ਨੂੰ ਇਹ ਹੁਕਮ ਦਿੱਤਾ: “ਮੈਂ ਜਲਦੀ ਹੀ ਆਪਣੇ ਲੋਕਾਂ ਨਾਲ ਰਲ਼ ਜਾਵਾਂਗਾ।*+ ਮੈਨੂੰ ਮੇਰੇ ਪਿਉ-ਦਾਦਿਆਂ ਨਾਲ ਉਸ ਗੁਫਾ ਵਿਚ ਦਫ਼ਨਾ ਦੇਣਾ ਜੋ ਹਿੱਤੀ ਅਫਰੋਨ ਦੀ ਜ਼ਮੀਨ ਵਿਚ ਹੈ,+ 30 ਉਹ ਗੁਫਾ ਜੋ ਕਨਾਨ ਦੇਸ਼ ਵਿਚ ਮਮਰੇ ਦੇ ਸਾਮ੍ਹਣੇ ਮਕਫੇਲਾਹ ਵਿਚ ਹੈ। ਉਹ ਜ਼ਮੀਨ ਅਬਰਾਹਾਮ ਨੇ ਕਬਰਸਤਾਨ ਬਣਾਉਣ ਲਈ ਹਿੱਤੀ ਅਫਰੋਨ ਤੋਂ ਖ਼ਰੀਦੀ ਸੀ।