ਜ਼ਬੂਰ

ਯਹੋਵਾਹ ਲਈ ਇਕ ਨਵਾਂ ਗੀਤ ਗਾਓ;+

ਵਫ਼ਾਦਾਰ ਸੇਵਕਾਂ ਦੀ ਮੰਡਲੀ ਵਿਚ ਉਸ ਦੀ ਮਹਿਮਾ ਕਰੋ।+

 2 ਇਜ਼ਰਾਈਲ ਆਪਣੇ ਮਹਾਨ ਰਚਣਹਾਰੇ ਕਰਕੇ ਖ਼ੁਸ਼ ਹੋਵੇ;+

ਸੀਓਨ ਦੇ ਪੁੱਤਰ ਆਪਣੇ ਰਾਜੇ ਕਰਕੇ ਬਾਗ਼-ਬਾਗ਼ ਹੋਣ।

 3 ਉਹ ਨੱਚਦੇ ਹੋਏ ਉਸ ਦੇ ਨਾਂ ਦੀ ਮਹਿਮਾ ਕਰਨ+

ਅਤੇ ਡਫਲੀ ਤੇ ਰਬਾਬ ਵਜਾ ਕੇ ਉਸ ਦਾ ਗੁਣਗਾਨ ਕਰਨ।+

 5 ਵਫ਼ਾਦਾਰ ਲੋਕ ਆਦਰ-ਮਾਣ ਮਿਲਣ ʼਤੇ ਖ਼ੁਸ਼ ਹੋਣ;

ਉਹ ਬਿਸਤਰਿਆਂ ʼਤੇ ਲੰਮੇ ਪਿਆਂ ਖ਼ੁਸ਼ੀ ਨਾਲ ਜੈ-ਜੈ ਕਾਰ ਕਰਨ।+

 6 ਉਨ੍ਹਾਂ ਦੀ ਜ਼ਬਾਨ ʼਤੇ ਪਰਮੇਸ਼ੁਰ ਦੀ ਮਹਿਮਾ ਦੇ ਗੀਤ ਹੋਣ

ਅਤੇ ਹੱਥ ਵਿਚ ਦੋ ਧਾਰੀ ਤਲਵਾਰ ਹੋਵੇ

 7 ਜਿਸ ਨਾਲ ਉਹ ਕੌਮਾਂ ਤੋਂ ਬਦਲਾ ਲੈਣ

ਅਤੇ ਦੇਸ਼-ਦੇਸ਼ ਦੇ ਲੋਕਾਂ ਨੂੰ ਸਜ਼ਾ ਦੇਣ

 8 ਅਤੇ ਉਨ੍ਹਾਂ ਦੇ ਰਾਜਿਆਂ ਨੂੰ ਬੇੜੀਆਂ ਨਾਲ ਜਕੜਨ

ਅਤੇ ਉਨ੍ਹਾਂ ਦੇ ਉੱਚ ਅਧਿਕਾਰੀਆਂ ਨੂੰ ਲੋਹੇ ਦੀਆਂ ਜ਼ੰਜੀਰਾਂ ਨਾਲ ਬੰਨ੍ਹਣ

 9 ਅਤੇ ਉਨ੍ਹਾਂ ਖ਼ਿਲਾਫ਼ ਲਿਖੇ ਸਜ਼ਾ ਦੇ ਹੁਕਮ ਨੂੰ ਪੂਰਾ ਕਰਨ।+