10. ਯਸਾਯਾਹ ਦੀ ਭਵਿੱਖਬਾਣੀ ਵਿਚ ਨਵੀਂ “ਧਰਤੀ” ਦਾ ਮਤਲਬ ਕੀ ਹੈ?

¹⁰ ਬਾਈਬਲ ਵਿਚ “ਧਰਤੀ” ਸ਼ਬਦ ਹਰ ਵੇਲੇ ਇਸ ਗ੍ਰਹਿ ਲਈ ਇਸਤੇਮਾਲ ਨਹੀਂ ਕੀਤਾ ਜਾਂਦਾ। ਮਿਸਾਲ ਲਈ, ਨਿਊ ਵਰਲਡ ਟ੍ਰਾਂਸਲੇਸ਼ਨ ਆਫ਼ ਦ ਹੋਲੀ ਸਕ੍ਰਿਪਚਰਸ ਵਿਚ ਜ਼ਬੂਰ 96:1 ਕਹਿੰਦਾ ਹੈ: ‘ਹੇ ਸਾਰੀ ਧਰਤੀ, ਯਹੋਵਾਹ ਲਈ ਗਾ।’ ਅਸੀਂ ਜਾਣਦੇ ਹਾਂ ਕਿ ਸਾਡੀ ਧਰਤੀ, ਯਾਨੀ ਕਿ ਜ਼ਮੀਨ ਅਤੇ ਸਮੁੰਦਰ, ਨਹੀਂ ਗਾ ਸਕਦੇ। ਪਰ ਹਾਂ, ਧਰਤੀ ਉੱਤੇ ਲੋਕ ਜ਼ਰੂਰ ਗਾ ਸਕਦੇ ਹਨ। ਜੀ ਹਾਂ, ਜ਼ਬੂਰ 96:1 ਧਰਤੀ ਉੱਤੇ ਲੋਕਾਂ ਬਾਰੇ ਗੱਲ ਕਰ ਰਿਹਾ ਹੈ।a ਪਰ ਯਸਾਯਾਹ 65:17 ਵਿਚ ‘ਨਵੇਂ ਅਕਾਸ਼’ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ। ਜੇਕਰ “ਧਰਤੀ” ਉਨ੍ਹਾਂ ਲੋਕਾਂ ਦੇ ਇਕ ਨਵੇਂ ਸਮਾਜ ਨੂੰ ਦਰਸਾਉਂਦੀ ਹੈ ਜੋ ਆਪਣੇ ਵਤਨ ਵਾਪਸ ਗਏ ਸਨ, ਤਾਂ “ਨਵਾਂ ਅਕਾਸ਼” ਕਿਸ ਨੂੰ ਦਰਸਾਉਂਦਾ ਹੈ?