⁶ ਪਰ ਬੇਲਸ਼ੱਸਰ ਹਾਲੇ ਹੋਰ ਬੇਇੱਜ਼ਤੀ ਕਰਨ ਬਾਰੇ ਸੋਚ ਰਿਹਾ ਸੀ। “ਰਾਜਾ ਤੇ ਉਹ ਦੇ ਪਰਧਾਨਾਂ, ਉਹ ਦੀਆਂ ਰਾਣੀਆਂ ਤੇ ਉਹ ਦੀਆਂ ਰਖੇਲਾਂ ਨੇ ਉਨ੍ਹਾਂ ਵਿੱਚੋਂ . . . ਸ਼ਰਾਬ ਪੀਤੀ ਅਤੇ ਸੋਨੇ, ਚਾਂਦੀ, ਪਿੱਤਲ, ਲੋਹੇ, ਕਾਠ ਤੇ ਪੱਥਰ ਦੇ ਦਿਓਤਿਆਂ ਦੀ ਵੱਡਿਆਈ ਕੀਤੀ।” (ਦਾਨੀਏਲ 5:3, 4) ਸੋ ਬੇਲਸ਼ੱਸਰ ਆਪਣੇ ਝੂਠੇ ਦੇਵੀ-ਦੇਵਤਿਆਂ ਨੂੰ ਯਹੋਵਾਹ ਨਾਲੋਂ ਜ਼ਿਆਦਾ ਉੱਚਾ ਕਰਨਾ ਚਾਹੁੰਦਾ ਸੀ! ਇਸ ਤਰ੍ਹਾਂ ਲੱਗਦਾ ਹੈ ਕਿ ਇਹ ਬਾਬਲੀ ਲੋਕਾਂ ਦਾ ਆਮ ਰਵੱਈਆ ਸੀ। ਉਹ ਆਪਣੇ ਯਹੂਦੀ ਕੈਦੀਆਂ ਨੂੰ ਤੁੱਛ ਸਮਝਦੇ ਸਨ, ਅਤੇ ਉਨ੍ਹਾਂ ਦੀ ਉਪਾਸਨਾ ਦਾ ਮਖੌਲ ਉਡਾਉਂਦੇ ਸਨ ਅਤੇ ਉਨ੍ਹਾਂ ਨੂੰ ਕੋਈ ਆਸ ਨਹੀਂ ਦਿੰਦੇ ਸਨ ਕਿ ਉਹ ਕਿਸੇ ਦਿਨ ਆਪਣੇ ਦੇਸ਼ ਵਿਚ ਵਾਪਸ ਮੁੜਨਗੇ। (ਜ਼ਬੂਰ 137:1-3; ਯਸਾਯਾਹ 14:16, 17) ਸ਼ਾਇਦ ਇਸ ਮਤਵਾਲੇ ਬਾਦਸ਼ਾਹ ਦਾ ਇਹ ਖ਼ਿਆਲ ਸੀ ਕਿ ਇਨ੍ਹਾਂ ਜਲਾਵਤਨਾਂ ਦਾ ਅਪਮਾਨ ਕਰਨ ਨਾਲ ਅਤੇ ਉਨ੍ਹਾਂ ਦੇ ਪਰਮੇਸ਼ੁਰ ਦੀ ਬੇਇੱਜ਼ਤੀ ਕਰਨ ਨਾਲ ਉਸ ਦੇ ਸਾਮ੍ਹਣੇ ਬੈਠੇ ਹੋਏ ਪ੍ਰਧਾਨ ਅਤੇ ਔਰਤਾਂ ਇਹ ਸੋਚਣਗੇ ਕਿ ਬੇਲਸ਼ੱਸਰ ਜਿੰਨਾ ਤਾਕਤਵਰ ਹੋਰ ਕੋਈ ਨਹੀਂ ਹੈ।a ਪਰ, ਜੇ ਬੇਲਸ਼ੱਸਰ ਘਮੰਡ ਨਾਲ ਆਪਣੀ ਛਾਤੀ ਫੁਲਾ ਰਿਹਾ ਸੀ, ਤਾਂ ਇਹ ਥੋੜ੍ਹੇ ਚਿਰ ਲਈ ਹੀ ਸੀ।