21. ਉਸ “ਪਵਿੱਤ੍ਰ ਥਾਂ” ਵਿਚ ਕੌਣ ਹਨ ਜਿਸ ਨੂੰ ਸੱਤਵੀਂ ਵਿਸ਼ਵ ਸ਼ਕਤੀ ਉਜਾੜਨ ਦੀ ਕੋਸ਼ਿਸ਼ ਕਰਦੀ ਹੈ?

²¹ ਅੱਜ 1,44,000 ਦਾ ਬਕੀਆ ਪਰਮੇਸ਼ੁਰ ਦੇ ਸ਼ਹਿਰ ਵਰਗੇ ਰਾਜ, “ਸੁਰਗੀ ਯਰੂਸ਼ਲਮ” ਅਤੇ ਉਸ ਦੀ ਹੈਕਲ ਵਾਲੇ ਪ੍ਰਬੰਧ ਦੇ ਜ਼ਮੀਨੀ ਪ੍ਰਤਿਨਿਧ ਹਨ। (ਇਬਰਾਨੀਆਂ 12:22, 28; 13:14) ਇਸ ਭਾਵ ਵਿਚ ਉਹ ਉਸ “ਪਵਿੱਤ੍ਰ ਥਾਂ” ਵਿਚ ਖੜ੍ਹੇ ਹਨ ਜਿਸ ਨੂੰ ਸੱਤਵੀਂ ਵਿਸ਼ਵ ਸ਼ਕਤੀ ਕੁਚਲਣ ਅਤੇ ਉਜਾੜਨ ਦੀ ਕੋਸ਼ਿਸ਼ ਕਰਦੀ ਹੈ। (ਦਾਨੀਏਲ 8:13) ਉਸ ਥਾਂ ਨੂੰ “[ਯਹੋਵਾਹ] ਦਾ ਪਵਿੱਤ੍ਰ ਥਾਂ” ਸੱਦ ਕੇ ਦਾਨੀਏਲ ਕਹਿੰਦਾ ਹੈ ਕਿ “[ਯਹੋਵਾਹ] ਤੋਂ ਸਦਾ ਦੀ ਬਲੀ ਚੁੱਕੀ ਗਈ ਅਤੇ ਉਸ ਦਾ ਪਵਿੱਤ੍ਰ ਥਾਂ ਢਾਇਆ ਗਿਆ। ਸੋ ਉਹ ਸੈਨਾ ਸਦਾ ਦੀ ਹੋਮ ਦੀ ਭੇਟ ਨਾਲ ਅਪਰਾਧ ਕਰਨ ਕਰਕੇ ਉਸ ਨੂੰ ਦਿੱਤੀ ਗਈ ਅਤੇ ਉਸ ਨੇ ਸਚਿਆਈ ਨੂੰ ਧਰਤੀ ਉੱਤੇ ਸੁੱਟਿਆ। ਉਹ ਇਹ ਕਰਦਾ ਅਤੇ ਭਾਗਵਾਨ ਹੁੰਦਾ ਰਿਹਾ।” (ਦਾਨੀਏਲ 8:11, 12) ਇਹ ਕਿਵੇਂ ਪੂਰਾ ਹੋਇਆ?

22. ਦੂਜੇ ਵਿਸ਼ਵ ਯੁੱਧ ਦੌਰਾਨ, ਸੱਤਵੀਂ ਵਿਸ਼ਵ ਸ਼ਕਤੀ ਨੇ ਇਕ ਵੱਡਾ “ਅਪਰਾਧ” ਕਿਵੇਂ ਕੀਤਾ?

²² ਦੂਜੇ ਵਿਸ਼ਵ ਯੁੱਧ ਦੌਰਾਨ ਯਹੋਵਾਹ ਦੇ ਗਵਾਹਾਂ ਦੇ ਨਾਲ ਕੀ ਹੋਇਆ? ਉਨ੍ਹਾਂ ਦੇ ਨਾਲ ਬਹੁਤ ਜ਼ੁਲਮ ਕੀਤਾ ਗਿਆ। ਇਹ ਨਾਜ਼ੀ ਅਤੇ ਫ਼ਾਸੀ ਦੇਸ਼ਾਂ ਵਿਚ ਸ਼ੁਰੂ ਹੋਇਆ। ਪਰ ਜਲਦੀ ਹੀ ‘ਵੱਡਾ ਡਾਢਾ ਬਣਨ ਵਾਲੇ ਿਨੱਕੇ ਸਿੰਙ’ ਦੇ ਵਿਸ਼ਾਲ ਰਾਜ-ਖੇਤਰ ਵਿਚ ‘ਸਚਾਈ ਧਰਤੀ ਉੱਤੇ ਸੁੱਟੀ ਜਾਣ ਲੱਗ ਪਈ।’ ਤਕਰੀਬਨ ਸਾਰੇ ਬਰਤਾਨਵੀ ਕਾਮਨਵੈਲਥ ਵਿਚ ਰਾਜ ਪ੍ਰਚਾਰਕਾਂ ਦੀ “ਸੈਨਾ” ਅਤੇ ਉਨ੍ਹਾਂ ਦੇ “ਖ਼ੁਸ਼ ਖ਼ਬਰੀ” ਦੇ ਪ੍ਰਚਾਰ ਕਰਨ ਦੇ ਕੰਮ ਉੱਤੇ ਪਾਬੰਦੀ ਲਗਾਈ ਗਈ। (ਮਰਕੁਸ 13:10) ਜਦੋਂ ਇਨ੍ਹਾਂ ਕੌਮਾਂ ਨੇ ਜਬਰੀ ਤੌਰ ਤੇ ਮਨੁੱਖਾਂ ਨੂੰ ਫ਼ੌਜ ਵਿਚ ਭਰਤੀ ਕੀਤਾ, ਤਾਂ ਉਨ੍ਹਾਂ ਨੇ ਯਹੋਵਾਹ ਦੇ ਗਵਾਹਾਂ ਨੂੰ ਸੈਨਿਕ ਸੇਵਾ ਤੋਂ ਮੁਕਤ ਨਹੀਂ ਕੀਤਾ, ਅਤੇ ਉਨ੍ਹਾਂ ਦੀ ਪਰਮੇਸ਼ੁਰ ਵੱਲੋਂ ਸੇਵਕਾਂ ਦੇ ਤੌਰ ਤੇ ਨਿਯੁਕਤੀ ਦਾ ਜ਼ਰਾ ਵੀ ਆਦਰ ਨਹੀਂ ਕੀਤਾ। ਸੰਯੁਕਤ ਰਾਜ ਅਮਰੀਕਾ ਵਿਚ ਯਹੋਵਾਹ ਦੇ ਵਫ਼ਾਦਾਰ ਸੇਵਕਾਂ ਨੂੰ ਭੀੜਾਂ ਦੁਆਰਾ ਹਿੰਸਾ ਅਤੇ ਹੋਰ ਕਈ ਪ੍ਰਕਾਰ ਦੀਆਂ ਨਿਰਾਦਰੀਆਂ ਸਹਿਣੀਆਂ ਪਈਆਂ। ਅਸਲ ਵਿਚ ਸੱਤਵੀਂ ਵਿਸ਼ਵ ਸ਼ਕਤੀ ਨੇ ‘ਬੁੱਲ੍ਹਾਂ ਦੇ ਫਲ,’ ਅਰਥਾਤ ਉਸਤਤ ਦੇ ਬਲੀਦਾਨ ਨੂੰ ਹਟਾਉਣ ਦੀ ਕੋਸ਼ਿਸ਼ ਕੀਤੀ। ਯਹੋਵਾਹ ਦੇ ਲੋਕ ਆਪਣੀ ਉਪਾਸਨਾ ਵਿਚ ਇਹ “ਸਦਾ ਦੀ ਬਲੀ” ਉਸ ਨੂੰ ਬਾਕਾਇਦਾ ਚੜ੍ਹਾਉਂਦੇ ਹਨ। (ਇਬਰਾਨੀਆਂ 13:15) ਇਸ ਤਰ੍ਹਾਂ ਉਸ ਵਿਸ਼ਵ ਸ਼ਕਤੀ ਨੇ ਅੱਤ ਮਹਾਨ ਪਰਮੇਸ਼ੁਰ ਦੇ ਜਾਇਜ਼ ਰਾਜ-ਖੇਤਰ, ਅਰਥਾਤ ‘ਉਸ ਦੇ ਪਵਿੱਤ੍ਰ ਥਾਂ’ ਉੱਪਰ ਚੜ੍ਹਾਈ ਕਰਨ ਦਾ “ਅਪਰਾਧ” ਕੀਤਾ ਸੀ।

23. (ੳ) ਦੂਜੇ ਵਿਸ਼ਵ ਯੁੱਧ ਦੌਰਾਨ ਐਂਗਲੋ-ਅਮਰੀਕੀ ਵਿਸ਼ਵ ਸ਼ਕਤੀ “ਸ਼ਜ਼ਾਦਿਆਂ ਦੇ ਸ਼ਜ਼ਾਦੇ ਦੇ ਵਿਰੁੱਧ” ਕਿਵੇਂ ਖੜ੍ਹੀ ਹੋਈ? (ਅ) “ਸ਼ਜ਼ਾਦਿਆਂ ਦਾ ਸ਼ਜ਼ਾਦਾ” ਕੌਣ ਹੈ?

²³ ਦੂਜੇ ਵਿਸ਼ਵ ਯੁੱਧ ਦੌਰਾਨ “ਪਵਿੱਤ੍ਰ ਲੋਕਾਂ” ਨੂੰ ਸਤਾ ਕੇ, ਿਨੱਕੇ ਸਿੰਙ ਨੇ ਆਪਣੇ ਆਪ ਨੂੰ “ਸੈਨਾ ਦੇ ਸ਼ਜ਼ਾਦੇ ਤੀਕ” ਵੱਡਾ ਬਣਾਇਆ, ਜਾਂ ਜਿਸ ਤਰ੍ਹਾਂ ਜਬਰਾਏਲ ਦੂਤ ਕਹਿੰਦਾ ਹੈ ਕਿ ‘ਉਹ ਸ਼ਜ਼ਾਦਿਆਂ ਦੇ ਸ਼ਜ਼ਾਦੇ ਦੇ ਵਿਰੁੱਧ ਉੱਠ ਖਲੋਇਆ।’ (ਦਾਨੀਏਲ 8:11, 25) ਇਹ ਨਾਂ ‘ਸ਼ਜ਼ਾਦਿਆਂ ਦਾ ਸ਼ਜ਼ਾਦਾ’ ਕੇਵਲ ਯਹੋਵਾਹ ਪਰਮੇਸ਼ੁਰ ਤੇ ਹੀ ਲਾਗੂ ਹੁੰਦਾ ਹੈ। “ਸ਼ਜ਼ਾਦਾ” ਤਰਜਮਾ ਕੀਤਾ ਹੋਇਆ ਇਬਰਾਨੀ ਸ਼ਬਦ ਸਾਰ, ਇਕ ਕ੍ਰਿਆ ਨਾਲ ਸੰਬੰਧ ਰੱਖਦਾ ਹੈ ਜਿਸ ਦਾ ਅਰਥ ਹੈ “ਰਾਜ ਕਰਨਾ।” ਕਿਸੇ ਰਾਜੇ ਦੇ ਪੁੱਤਰ ਜਾਂ ਸ਼ਾਹੀ ਵਿਅਕਤੀ ਨੂੰ ਸੰਕੇਤ ਕਰਨ ਤੋਂ ਇਲਾਵਾ, ਇਹ ਸ਼ਬਦ ਇਕ ਸਰਦਾਰ ਜਾਂ ਮੁਖੀਏ ਉੱਤੇ ਲਾਗੂ ਹੁੰਦਾ ਹੈ। ਦਾਨੀਏਲ ਦੀ ਪੋਥੀ ਦੂਜੇ ਦੂਤਮਈ ਸ਼ਹਿਜ਼ਾਦਿਆਂ ਦਾ ਜ਼ਿਕਰ ਕਰਦੀ ਹੈ—ਮਿਸਾਲ ਲਈ ਮੀਕਾਏਲ। ਪਰਮੇਸ਼ੁਰ ਅਜਿਹੇ ਸ਼ਹਿਜ਼ਾਦਿਆਂ ਦਾ ਮੁੱਖ ਸ਼ਹਿਜ਼ਾਦਾ ਹੈ। (ਦਾਨੀਏਲ 10:13, 21. ਜ਼ਬੂਰ 83:18 ਦੀ ਤੁਲਨਾ ਕਰੋ।) ਕੀ ਅਸੀਂ ਅੰਦਾਜ਼ਾ ਲਗਾ ਸਕਦੇ ਹਾਂ ਕਿ ਸ਼ਹਿਜ਼ਾਦਿਆਂ ਦੇ ਸ਼ਹਿਜ਼ਾਦੇ ਦੇ ਵਿਰੁੱਧ ਕੋਈ ਖੜ੍ਹਾ ਹੋ ਸਕਦਾ ਹੈ?

“ਪਵਿੱਤ੍ਰ ਥਾਂ” ਸੁੱਚਾ ਬਣਾਇਆ ਜਾਂਦਾ ਹੈ

24. ਦਾਨੀਏਲ 8:14 ਸਾਨੂੰ ਕੀ ਭਰੋਸਾ ਦਿੰਦਾ ਹੈ?

²⁴ ਸ਼ਹਿਜ਼ਾਦਿਆਂ ਦੇ ਸ਼ਹਿਜ਼ਾਦੇ ਵਿਰੁੱਧ ਕੋਈ ਵੀ ਨਹੀਂ, ਐਂਗਲੋ-ਅਮਰੀਕੀ ਵਿਸ਼ਵ ਸ਼ਕਤੀ ਵਰਗਾ ਇਕ ‘ਕਰੜੇ ਮੂੰਹ ਵਾਲਾ’ ਰਾਜਾ ਵੀ ਨਹੀਂ ਖੜ੍ਹਾ ਹੋ ਸਕਦਾ! ਇਹ ਰਾਜਾ ਪਰਮੇਸ਼ੁਰ ਦੀ ਥਾਂ ਨੂੰ ਉਜਾੜਨ ਵਿਚ ਸਫ਼ਲ ਨਹੀਂ ਹੋਇਆ। ਇਕ ਦੂਤ ਦੱਸਦਾ ਹੈ ਕਿ “ਦੋ ਹਜ਼ਾਰ ਤਿੰਨ ਸੌ ਸੰਝ ਸਵੇਰਾਂ” ਤੋਂ ਬਾਅਦ “ਪਵਿੱਤ੍ਰ ਥਾਂ ਸੁੱਚਾ ਬਣਾਇਆ ਜਾਵੇਗਾ,” ਜਾਂ ਉਸ “ਦੀ ਜਿੱਤ ਹੋਵੇਗੀ।”—ਦਾਨੀਏਲ 8:13, 14; ਦ ਨਿਊ ਇੰਗਲਿਸ਼ ਬਾਈਬਲ.

27. ਕੀ ਸਬੂਤ ਹੈ ਕਿ ਦੂਜੇ ਵਿਸ਼ਵ ਯੁੱਧ ਦੌਰਾਨ ਸਤਾਹਟ ਦੇ ਕਾਰਨ “ਸਦਾ ਦੀ ਬਲੀ” ਘੱਟ ਗਈ ਸੀ?

²⁷ ਦੂਜਾ ਵਿਸ਼ਵ ਯੁੱਧ 1939 ਵਿਚ ਸ਼ੁਰੂ ਹੋਇਆ ਸੀ ਜਿਸ ਸਮੇਂ ਦੌਰਾਨ ਇਹ 2,300 ਦਿਨਾਂ ਦਾ ਸਮਾਂ ਜਾਰੀ ਰਿਹਾ ਅਤੇ ਸਤਾਹਟ ਦੇ ਕਾਰਨ ਪਰਮੇਸ਼ੁਰ ਦੀ ਪਵਿੱਤਰ ਥਾਂ ਵਿਖੇ “ਸਦਾ ਦੀ ਬਲੀ” ਦੀ ਭੇਟ ਬਹੁਤ ਘੱਟ ਗਈ ਸੀ। ਸਾਲ 1938 ਵਿਚ ਵਾਚ ਟਾਵਰ ਸੋਸਾਇਟੀ ਦੇ 39 ਸ਼ਾਖਾ ਦਫ਼ਤਰ ਸਨ ਜੋ ਸੰਸਾਰ ਭਰ ਗਵਾਹਾਂ ਦੇ ਕੰਮ ਦੀ ਦੇਖ-ਭਾਲ ਕਰਦੇ ਸਨ, ਪਰ 1943 ਤਕ ਇਨ੍ਹਾਂ ਵਿੱਚੋਂ ਸਿਰਫ਼ 21 ਰਹਿ ਗਏ। ਉਸ ਸਮੇਂ ਦੌਰਾਨ ਰਾਜ ਪ੍ਰਕਾਸ਼ਕਾਂ ਦੀ ਗਿਣਤੀ ਵੀ ਬਹੁਤੀ ਨਹੀਂ ਵਧੀ।