12. ਪਹਿਲਾ ਪਤਰਸ 3:18, 22 ਮੁਤਾਬਕ ਯਿਸੂ ਅਤੇ ਉਸ ਤੋਂ ਪਹਿਲਾਂ ਜੀਉਂਦੇ ਕੀਤੇ ਗਏ ਲੋਕਾਂ ਵਿਚ ਕੀ ਫ਼ਰਕ ਸੀ?

¹² ਪੌਲੁਸ ਜਾਣਦਾ ਸੀ ਕਿ “ਮਸੀਹ ਨੂੰ . . . ਜੀਉਂਦਾ ਕਰ ਦਿੱਤਾ ਗਿਆ” ਸੀ। ਯਿਸੂ ਦਾ ਦੁਬਾਰਾ ਜੀ ਉਠਾਇਆ ਜਾਣਾ ਉਸ ਤੋਂ ਪਹਿਲਾਂ ਜੀ ਉਠਾਏ ਗਏ ਲੋਕਾਂ ਤੋਂ ਉੱਤਮ ਸੀ ਕਿਉਂਕਿ ਉਹ ਸਾਰੇ ਦੁਬਾਰਾ ਮਰ ਗਏ ਸਨ। ਪੌਲੁਸ ਨੇ ਕਿਹਾ: “ਜਿਹੜੇ ਲੋਕ ਮੌਤ ਦੀ ਨੀਂਦ ਸੌਂ ਚੁੱਕੇ ਹਨ, ਉਨ੍ਹਾਂ ਵਿੱਚੋਂ ਮਸੀਹ ਨੂੰ ਸਭ ਤੋਂ ਪਹਿਲਾਂ [ਜਾਂ “ਪਹਿਲੇ ਫਲ ਦੇ ਤੌਰ ਤੇ”] ਜੀਉਂਦਾ ਕਰ ਦਿੱਤਾ ਗਿਆ ਹੈ।” ਕਿਸ ਮਾਅਨੇ ਵਿਚ ਯਿਸੂ ਨੂੰ ਸਭ ਤੋਂ ਪਹਿਲਾਂ ਜੀਉਂਦਾ ਕੀਤਾ ਗਿਆ ਸੀ? ਉਹ ਪਹਿਲਾ ਵਿਅਕਤੀ ਸੀ ਜਿਸ ਨੂੰ ਸਵਰਗੀ ਸਰੀਰ ਵਿਚ ਅਤੇ ਸਵਰਗ ਜਾਣ ਲਈ ਜੀਉਂਦਾ ਕੀਤਾ ਗਿਆ ਸੀ।—1 ਕੁਰਿੰ. 15:20, ਫੁਟਨੋਟ; ਰਸੂ. 26:23; 1 ਪਤਰਸ 3:18, 22 ਪੜ੍ਹੋ।

16. ਪੌਲੁਸ ਨੇ ਯਿਸੂ ਨੂੰ ‘ਪਹਿਲਾ ਫਲ’ ਕਿਉਂ ਕਿਹਾ?

¹⁶ ਪੌਲੁਸ ਨੇ ਲਿਖਿਆ ਕਿ “ਜਿਹੜੇ ਲੋਕ ਮੌਤ ਦੀ ਨੀਂਦ ਸੌਂ ਚੁੱਕੇ ਹਨ, ਉਨ੍ਹਾਂ ਵਿੱਚੋਂ ਮਸੀਹ ਨੂੰ ਸਭ ਤੋਂ ਪਹਿਲਾਂ ਜੀਉਂਦਾ ਕਰ ਦਿੱਤਾ ਗਿਆ” ਸੀ। ਯਾਦ ਰੱਖੋ ਕਿ ਹੋਰਾਂ ਨੂੰ ਧਰਤੀ ʼਤੇ ਰਹਿਣ ਲਈ ਜੀਉਂਦਾ ਕੀਤਾ ਗਿਆ ਸੀ, ਜਿੱਦਾਂ ਕਿ ਲਾਜ਼ਰ। ਪਰ ਯਿਸੂ ਉਹ ਪਹਿਲਾ ਇਨਸਾਨ ਸੀ ਜਿਸ ਨੂੰ ਸਵਰਗੀ ਸਰੀਰ ਵਿਚ ਜੀਉਂਦਾ ਕੀਤਾ ਗਿਆ ਸੀ ਅਤੇ ਸਵਰਗ ਵਿਚ ਹਮੇਸ਼ਾ ਦੀ ਜ਼ਿੰਦਗੀ ਮਿਲੀ ਸੀ। ਯਿਸੂ ਦੀ ਤੁਲਨਾ ਉਸ ਪਹਿਲੇ ਫਲ ਨਾਲ ਕੀਤੀ ਜਾ ਸਕਦੀ ਹੈ ਜੋ ਇਜ਼ਰਾਈਲੀ ਆਪਣੀ ਫ਼ਸਲ ਵਿੱਚੋਂ ਪਰਮੇਸ਼ੁਰ ਨੂੰ ਚੜ੍ਹਾਉਂਦੇ ਸਨ। ਯਿਸੂ ਨੂੰ ‘ਪਹਿਲਾ ਫਲ’ ਕਹਿਣ ਦਾ ਮਤਲਬ ਸੀ ਕਿ ਉਸ ਤੋਂ ਬਾਅਦ ਹੋਰਾਂ ਨੂੰ ਵੀ ਸਵਰਗੀ ਜੀਵਨ ਦਿੱਤਾ ਜਾਣਾ ਸੀ। ਇਨ੍ਹਾਂ ਵਿਚ “ਮਸੀਹ ਨਾਲ ਏਕਤਾ ਵਿਚ ਬੱਝੇ” ਰਸੂਲ ਅਤੇ ਹੋਰ ਮਸੀਹੀ ਵੀ ਸ਼ਾਮਲ ਹਨ। ਸਮਾਂ ਆਉਣ ʼਤੇ ਉਨ੍ਹਾਂ ਨੂੰ ਵੀ ਯਿਸੂ ਵਾਂਗ ਸਵਰਗ ਵਿਚ ਜ਼ਿੰਦਗੀ ਮਿਲਣੀ ਸੀ।