17. ਕਿਹੜੀ ਚੀਜ਼ ਦਿਖਾਉਂਦੀ ਹੈ ਕਿ ਪਹਿਲੀ ਸਦੀ ਦੇ ਮਸੀਹੀਆਂ ਦੇ ਪ੍ਰਚਾਰ ਦਾ ਕੰਮ ਪ੍ਰਭਾਵਸ਼ਾਲੀ ਸੀ?

¹⁷ ਪਹਿਲੀ ਸਦੀ ਦੇ ਮਸੀਹੀਆਂ ਨੇ ਪੂਰੇ ਜੋਸ਼ ਨਾਲ ਪਰਮੇਸ਼ੁਰ ਦੇ ਰਾਜ ਦੀ ਖ਼ੁਸ਼ ਖ਼ਬਰੀ ਦਾ ਪ੍ਰਚਾਰ ਕੀਤਾ। (ਮੱਤੀ 24:14) ਲਗਭਗ 60 ਸਾ.ਯੁ. ਵਿਚ, ਪੌਲੁਸ ਕਹਿ ਸਕਦਾ ਸੀ ਕਿ ਖ਼ੁਸ਼ ਖ਼ਬਰੀ ਦਾ “ਪਰਚਾਰ ਅਕਾਸ਼ ਹੇਠਲੀ ਸਾਰੀ ਸਰਿਸ਼ਟ ਵਿੱਚ” ਕੀਤਾ ਜਾ ਚੁੱਕਾ ਸੀ। (ਕੁਲੁੱਸੀਆਂ 1:23) ਪਹਿਲੀ ਸਦੀ ਦੇ ਅਖ਼ੀਰ ਵਿਚ, ਯਿਸੂ ਦੇ ਪੈਰੋਕਾਰਾਂ ਨੇ ਪੂਰੇ ਰੋਮੀ ਸਾਮਰਾਜ ਵਿਚ ਚੇਲੇ ਬਣਾ ਲਏ ਸਨ—ਏਸ਼ੀਆ, ਯੂਰਪ, ਅਤੇ ਅਫ਼ਰੀਕਾ ਵਿਚ! “ਕੈਸਰ ਦੇ ਘਰ” ਦੇ ਕੁਝ ਮੈਂਬਰ ਵੀ ਮਸੀਹੀ ਬਣੇ।a (ਫ਼ਿਲਿੱਪੀਆਂ 4:22) ਇਸ ਜੋਸ਼ੀਲੇ ਪ੍ਰਚਾਰ ਕੰਮ ਨੇ ਕ੍ਰੋਧ ਭੜਕਾਇਆ। ਨੀਐਂਡਰ ਕਹਿੰਦਾ ਹੈ: “ਮਸੀਹੀਅਤ ਨੇ ਹਰ ਦਰਜੇ ਦੇ ਲੋਕਾਂ ਵਿਚ ਤੇਜ਼ੀ ਨਾਲ ਤਰੱਕੀ ਕੀਤੀ, ਅਤੇ ਇਹ ਕੌਮੀ ਧਰਮ ਲਈ ਇਕ ਖ਼ਤਰਾ ਬਣ ਗਈ ਸੀ।”