¹³ Wala ni ray pamilyar a detalye ya inyarum nen Jesus nipaakar ed satan a dalan a “manlapud Jerusalem a paarap ed Jerico.” Unong ed parabolo, inmunan dinmalan ditan so sakey a saserdote insan tinmumbok so sakey a Levita, balet ta anggapo ed sikaran dua so tinmunda pian tulongan so biktima. (Lucas 10:31, 32) Saray saserdote et manlilingkor diad templo ed Jerusalem, tan saray Levita so katulongan da. Sano anggapoy kimey na saray saserdote tan Levita ed templo, manpirmi ira ed Jerico a 23 kilometro labat kaarawi ed Jerusalem. Kanian, ondadalan ira ditan. Imanoen met ya imbaga nen Jesus a sikaray “onlalasur,” aliwan ontatatdang ed dalan a “manlapud Jerusalem.” Seguradon miabobon ed saya iray onderengel ed sikato lapud say Jerusalem et mas atagey nen say Jerico. Kanian, sano say sakey a biahero et manaakar a “manlapud Jerusalem,” talagan sikatoy “onlalasur.”b Malinew a lawas ikokonsidera nen Jesus iray onderengel ed sikato.