Salmo
99 Yehova a bira Rei. Laga e pueblonan tembla.
E ta sintá riba trono, ariba* di e kerubinnan. Laga tera sagudí.
2 Yehova a demostrá ku e ta poderoso na Siòn;
e ta elevá, i e tin outoridat riba tur pueblo.
3 Laga nan alabá bo gran nòmber,
pasobra bo nòmber ta impreshonante i santu.
4 Bo ta un rei poderoso ku ta stima hustisia.
Bo a establesé firmemente loke ta rekto.
Bo a establesé loke ta hustu i korekto pa Yákòb.
6 Moises i Áròn tabata dos di su saserdotenan,
i Sámuèl tabata entre e hendenan ku tabata resa na dje usando* su nòmber.
Nan tabata yama Yehova,
i e tabata kontestá nan.
7 E tabata papia ku nan for di un pilá di nubia.
Nan a obedesé su rekordatorionan i e leinan ku el a duna nan.
8 O Yehova, nos Dios, abo a kontestá nan.
Bo a pordoná nan nan fayonan,
pero bo a kastigá* nan pa nan maldat.
9 Duna onor na Yehova, nos Dios,
i bùig* dilanti di su seru santu,
pasobra Yehova, nos Dios, ta santu.