Salmo

137 Kantu di e riunan di Babilonia,

nos tabata sinta yora ora nos tabata kòrda riba Siòn.

2 Nos a kologá nos arpanan

na e palunan* ku tabatin na e pais ei.

3 Einan, e hendenan ku a hiba nos prezu a pidi nos kanta un kantika pa nan;

e hendenan ku tabata hasi bofon di nos tabata ke pa nos entretené nan. Nan a bisa:

“Kanta un kantika di Siòn pa nos.”

4 Kon nos por kanta kantika di Yehova

na un pais estranhero?

5 Herúsalèm, si mi lubidá bo,

laga mi man drechi bira lam.*

6 Herúsalèm, si mi lubidá bo,

si bo no ta e kos

ku mas ta hasi mi kontentu,

laga mi bira muda.*

7 O Yehova, kòrda loke

e edomitanan a bisa dia ku Herúsalèm a kai:

“Bash’é abou! Bash’é abou te na su fundeshi!”

8 Stat* Babilonia, djis akí lo bo ser destruí.

Felis ta e persona ku paga bo

ku mesun maltrato ku bo a duna nos.

9 Felis ta e persona ku gara bo yunan,

dal nan kontra baranka i spat nan for di otro.