Salmo
Un salmo di David.
143 O Yehova, skucha mi orashon.
Por fabor, tende mi ora mi ta roga pa yudansa.
Kontestá mi, pasobra bo ta fiel i hustu.
2 Mi ta bo sirbidó. No husga mi,
pasobra niun hende no por ta hustu bo dilanti.
Pa nan motibu, mi ta biba den skuridat meskos ku hende ku tin hopi tempu morto.
5 Mi ta pensa riba tempu di ántes;
mi ta meditá riba tur loke bo ta hasi.
Mi gusta reflekshoná riba* bo echonan.
6 Mi ta hisa mi mannan pa hasi orashon na bo.
Mi* ta warda riba bo manera un lugá seku ta warda riba áwaseru. (Sela)
No kita bo kara pa mi,
sino mi ta bira meskos ku e hendenan ku ta baha den graf.*
8 Demostrá mi bo amor leal ora di dia habri,
pasobra mi ta konfia den bo.
Laga mi sa kon mi tin ku biba,
pasobra serka bo mi ta buska guia.*
9 O Yehova, libra mi di mi enemigunan.
Serka bo mi ta buska protekshon.
10 Siña mi kon pa hasi bo boluntat,
pasobra abo ta mi Dios.
Bo ta bon;
laga bo spiritu guia mi pa mi por evitá peliger i difikultat.*
11 O Yehova, tene mi na bida pa motibu di bo nòmber.
Libra mi* di mi sufrimentu, pasobra bo ta hustu.