Oséas

 2 Akusá boso mama! Akus’é,

pasobra e no ta mi esposa, i ami no ta su esposo.

E mester stòp di praktiká prostitushon.*

E mester stòp di kometé adulterio.*

 3 Sino, mi ta kit’é sunú i lag’é keda manera dia ku el a nase.

Lo mi lag’é keda manera un desierto;

lo mi lag’é bira manera tera seku,

i lo mi lag’é muri di set.

 4 Lo mi no tene miserikòrdia di su yunan,

pasobra nan ta yu ku el a haña praktikando prostitushon.*

E persona ku a karga boso den su barika ta komportá su mes na un manera bergonsoso, pasobra el a bisa:

‘Mi ta bai tras di mi amantenan;

nan ta duna mi pan i awa,

paña di lana,* tela di lenen, zeta i bibida.’

 6 P’esei, lo mi sera su kaminda ku tranké di sumpiña,

i lo mi lanta un muraya di piedra

di manera ku lo e no por sigui su kaminda.

 7 Lo e kore tras di su amantenan, pero lo e no alkansá nan.

Lo e buska nan, pero lo e no haña nan.

Lo e bisa: ‘Mi ta bai bèk serka mi kasá,*

pasobra tempu ku mi tabata kuné mi situashon tabata mihó ku awor.’

 8 E no tabata rekonosé ku ta ami tabata dun’é grano, biña nobo i zeta.

E no tabata rekonosé ku ta ami tabata dun’é plata na abundansia

i oro, oro ku el a usa den adorashon di Baal.

 9 P’esei, lo mi bolbe den tempu di kosecha i kohe mi grano bai kuné,

i ora e tempu yega pa traha biña, lo mi sòru pa e no haña biña nobo.

Lo mi ranka mi pañanan di lana* i mi telanan di lenen ku mester tapa su sunú kita for di dje.

10 Pronto, lo mi eksponé su partinan íntimo den pleno bista di su amantenan,

i niun di su amantenan lo no libr’é for di mi man.

11 Lo mi pone un fin na tur loke ta alegrá su kurason;

lo mi pone un fin na su fiestanan, na su lunanan nobo, na su sabatnan i na tur su temporadanan di fiesta.

‘Esakinan ta mi pago ku mi amantenan a duna mi.’

Kaminda e palunan ei i e matanan ei ta plantá, lo mi laga bira mondi,

i bestia salbahe lo habraká nan.

13 Lo mi regla kuenta ku boso mama pa e dianan ku e tabata ofresé sakrifisio na e imágennan di Baal,

pa e dianan ku e tabata dòrna su mes ku renchi i ku hoya, pa e dianan ku e tabata kore tras di su amantenan.

Anto ami, el a lubidá. Esei ta loke ami, Yehova, ta bisa.

14 P’esei, lo mi konvensé mi pueblo,

i lo mi hib’é den desierto,

i lo mi papia kuné pa konmové* su kurason.

15 E ora ei, lo mi dun’é su kunukunan di wendrùif bèk,

i lo mi dun’é vaye* Ákòr tambe, ku lo ta e porta via kua lo e drenta e pais di speransa.

Ei, lo e skucha mi, i lo e hasi kaso manera e tabata hasi den su hubentut,

tempu ku el a sali for di Egipto.

16 Ora e dia ei yega, ami, Yehova, lo bis’é:

‘Lo bo yama mi “Mi kasá.” Lo bo no yama mi “Mi shon”* mas.’

17 Lo mi sòru pa e no menshoná nòmber di e imágennan di Baal mas,

i lo e no kòrda e nòmbernan ei mas.

18 Riba e dia ei, lo mi sera un pakto ku e bestianan salbahe,

ku e paranan di shelu i ku e bestianan ku ta lastra riba tera na fabor di mi pueblo.

Lo mi eliminá bog i spada for di e pais, i lo mi kaba ku guera na e pais;

lo mi sòru pa mi pueblo biba den siguridat.*

19 O mi pueblo, lo mi tuma bo komo mi brùit pa semper,

i mi ta primintí ku lo mi trata bo bon i ku lo mi hasi loke ta hustu pa bo.

Lo mi stima bo,* i lo mi tene miserikòrdia di bo.

20 Mi ta primintí ku lo mi ta fiel na bo.

Ami ta Yehova, i siguramente lo bo siña konosé mi.

21 Yehova a bisa: ‘Riba e dia ei,

lo mi kumpli ku petishon di shelu,

i shelu, na su turno, lo onra petishon di tera.

22 Tera, na su turno, lo kumpli ku petishon di grano, di biña nobo i di zeta,

i Yézrel* lo risibí e kosnan akí di akuerdo ku su petishon.

23 Lo mi sembra mi pueblo manera simia riba tera,*

i lo mi tene miserikòrdia di hende ku no a haña miserikòrdia.*

Lo mi bisa e hendenan di e pueblo ku no ta mi pueblo:* “Boso ta mi pueblo,”