Salmo
Na e direktor musikal. Un salmo di David pa sirbi komo rekordatorio.
70 O mi Dios, salba mi.
O Yehova, bin yuda mi lihé.
2 Laga hende ku ta buska mi* pa mata
keda tur na bèrgwensa i ser humiá.
Laga hende ku ta gosa pasobra mi ta pasa den kos malu
bati retirada i keda humiá.
3 Laga hende ku ta hasi bofon di mi, bisando: “Drechi pa bo!”
haña nan ta bati retirada tur na bèrgwensa.
4 Pero laga hende ku ta buska bo guia
sea kontentu i alegrá pasobra nan konosé bo.
Laga hende ku ta atmirá e manera ku bo ta pèrkurá salbashon bisa semper:
“Duna gloria na Dios!”
5 Pero mi ta indefenso i pober.
O Dios, bin yuda mi lihé.
Abo ta esun ku ta yuda mi i libra mi.
O Yehova, no tarda.