Mikéas

4 Den e parti final di e dianan,*

e seru riba kua e kas di Yehova ta situá

lo ta firmemente establesí, mas haltu ku tur e serunan.

Lo e ser hisá mas haltu ku e seritunan,

i e pueblonan lo basha bai einan.

“Ban; laga nos bai na* e seru di Yehova;

laga nos ban kas di e Dios di Yákòb.

Lo e siña nos su boluntat,*

i nos lo biba manera e ke pa nos biba.”*

For di Siòn, lo anunsiá lei,*

i for di Herúsalèm, lo anunsiá e palabranan di Yehova.

 3 Dios lo sirbi komo hues pa hopi pueblo,

i lo e korigí* tur kos pa benefisiá e nashonnan ku ta leu i poderoso.

Nan lo bati nan spadanan i traha plug ku nan;

ku nan spernan, nan lo traha kuchú pa snui mata.

Nashon lo no hisa spada pa bringa kontra otro nashon,

ni nan lo no siña pa bringa den guera mas.

 4 Kada hende lo sinta* bou di su mata di wendrùif i bou di su palu di figu;

nan lo no tin miedu di niun hende,

pasobra ta Yehova* di e ehérsitonan a papia.

 5 Kada pueblo lo kana den nòmber di su dios,

pero nos lo kana den nòmber di Yehova, nos Dios, pa tur eternidat.

 6 Yehova ta bisa: “Den e dia ei,

lo mi reuní e hendenan ku tabata kokochá;

e hendenan ku tabata plamá lo mi trese huntu,

i lo mi reuní e hendenan ku mi a trata severamente.

 7 Lo mi reskatá e hendenan ku tabata kokochá; nan lo sobrebibí,

i e hendenan ku mester a bai un lugá leu lo mi hasi un nashon poderoso.

For di seru Siòn, Yehova lo goberná nan,

sí, for di awor i pa semper.

 8 Pa loke ta abo, toren ku ta protehá e tou,

seritu di Siòn,*

lo bo haña e dominio ku bo tabatin ántes* bèk; sí, lo bo risibí bo dominio atrobe, esta,

e reino ku ta pertenesé na Herúsalèm.*

Bo no tin rei?

Ta bo konseheronan a muri?

Ta p’esei doló a sera bo manera un hende muhé ku ta duna lus?

10 Siòn,* trose di doló i keña

manera un hende muhé ku ta duna lus,

pasobra lo bo mester sali for di e stat i bai biba den kunuku.

Lo bo bai te Babilonia,

i einan Yehova lo reskatá bo;

lo e kumpra bo bèk for di bo enemigunan.*

11 Anto hopi nashon lo reuní pa bai kontra bo;

nan lo bisa: ‘Laga Siòn ser kontaminá,*

i laga nos mira esei ku nos mes wowonan.’

12 Pero e nashonnan no sa e pensamentunan di Yehova;

nan no ta komprondé su propósito.*

Lo e trese nan huntu manera bòshi di trigu resien kòrtá riba plenchi di bati kosecha.

13 Siòn,* lanta ariba i trapa grano,

pasobra lo mi hasi bo kachunan kachu di heru,

i lo mi hasi bo patanan pata di koper.

Lo bo garna hopi pueblo i hasi nan stòf.

Lo bo duna Yehova tur loke nan a optené na manera desonesto,

i lo bo dediká nan rekursonan na Señor* di henter tera.”