Salmo
Na e direktor musikal. Ku kompañamentu di instrumènt di kuèrdè. Maskil.* Un salmo ku David a komponé tempu ku e zifitanan a bai bisa Saul: “David ta skonde den nos pais.”
54 O Dios, salba mi pa medio di bo nòmber,
i defendé mi* ku bo poder.
2 O Dios, tende mi orashon.
Skucha e palabranan di mi boka,
3 pasobra enemigu ta lanta kontra mi,
i hende kruel ta buska mi* pa mata.
Nan no tin rèspèt pa Dios.* (Sela)
4 Dios ta mi ayudante.
Yehova ta ku e hendenan ku ta apoyá mi.*
5 Dios lo paga mi enemigunan ku e maldat ku nan ta hasi ku otro hende.
Mi Dios, kaba ku nan,* pasobra bo ta fiel.
6 Lo mi ofresé sakrifisio na bo boluntariamente.
O Yehova, lo mi alabá bo nòmber, pasobra bo nòmber ta bon.*
7 Bo ta salba mi for di tur problema,
i lo mi mira derota di mi enemigunan.