Reunion Anual

4 di october, 1997

E REUNION ANUAL dje miembronan di Watch Tower Bible and Tract Society of Pennsylvania lo ser tené dia 4 di october, 1997, n’e Salon di Asamblea di Testigonan di Jehova, 2932 Kennedy Boulevard, Jersey City, New Jersey, Merca. Un reunion preliminar cu e miembronan so lo ser convocá pa 9:15 a.m., siguí p’e reunion anual general pa 10:00 a.m.

E miembronan dje Corporacion mester informá e Oficina di Secretario awor di cualkier cambio den nan adres postal durante e aña cu a pasa, di manera cu e cartanan regular di anuncio i e documentonan di votacion por yega cerca nan durante juli.

E documentonan di votacion, cu lo ser mandá p’e miembronan huntu cu e anuncio dje reunion anual, mester ser mandá bek pa nan por yega n’e Oficina di Secretario di Sociedad no mas tardá cu 1 di augustus. Cada miembro mester yena i manda bek su documentonan di votacion mesora, informando si lo e t’ei personalmente n’e reunion of no. E informacion duná riba cada documento di votacion mester ta definitivo riba e punto aki, ya cu lo dependé riba esei ora di determiná ken lo ta personalmente presente.

Ta ser sperá cu henter e sesion, incluyendo e reunion ehecutivo formal i e informenan, lo concluí 1:00 p.m. of poco despues. Lo no tin sesion parti atardi. Pa motibu di espacio limitá, por drenta solamente cu karchi. Lo no haci ningun areglo pa conectá e reunion anual cu otro auditorionan via liña di telefon.