El A Pone e Renchi Bek na Nan Dede

“WAK mi dedenan. Bo ta mira algu diferente?” Un homber a habri su man dilanti un señora Testigo di Jehova, kende a wak i a ripará mesora cu e homber no tabatin su renchi di casamentu mas. E homber a splik’é cu cos no tabata bai bon mas entre e cu su casá, i p’esei nan a dicidí di pidi divorcio. “Ai, no!” e Testigo a bisa. “Tuma e buki aki i les’é. Lo e yuda bo cu bo matrimonio.” Anto el a dun’é un ehemplar dje buki basá riba Bijbel, Conocimentu cu Ta Hiba na Bida Eterno.a

Algun dia despues, e homber a bolbe contentu cerca e Testigo. El a mustr’é su man. E biaha aki sí e tabatin su renchi di casamentu bistí. El a conta e Testigo cu e cu su casá a lesa e buki di Conocimentu i cu awor nan ta masha felis. Literalmente e buki a pone e renchi bek na nan dede.

Conseho di Bijbel por yuda un esposo i esposa mustra amor genuino pa otro. Esaki ta asina pasobra e autor di Bijbel no ta ningun otro sino nos Creador, kende ta bisa: “Ami, Jehova, ta bo Dios, Esun cu ta siña bo beneficiá bo mes, Esun cu ta haci bo stap den e caminda den cua bo mester cana.”—Isaías 48:17.

[Nota]