Branch Letter

Kerido Publikadónan di Reino,

Na e fasilidatnan di sukursal na Merka, kaminda ta imprimí nos publikashonnan na papiamentu, e rumannan a finalisá e trabou di un ampliashon grandi di e drùkerei na Wallkill i ya a kuminsá us’é. Huntu ku dos mashin di imprenta nobo di kua kada un tin e kapasidat di produsí te ku 90.000 revista pa ora, a instalá tambe ekipo nobo ku por produsí te ku 120 buki kaft duru pa minüt. Dor ku e drùkerei a muda bai Wallkill a bira posibel pa bende e edifisio na Furman Street 360 na Brooklyn. Aktualmente e rumannan ta hopi drùk ku renobamentu di e kompleho na Adams Street 117 pa asina por akomodá e departamentunan ku ta bini di Furman Street.

Mas o ménos 300 ruman mester a muda di Brooklyn bai Wallkill komo ku e drùkerei a bai einan. Ademas, a transferí di Wallkill pa Brooklyn rònt di 100 trahadó boluntario ku ta perkurá pa e sistema di kòmpiuter di e sukursal, ya ku awor Brooklyn ta e sede di e Departamentu di Sistemanan di Informashon.

E temporada di Memorial tabata un tempu di aktividat seloso den e teritorio di nos sukursal. Durante aprel 2004 tabatin un total di 213 pionero ousiliar, i nos a alkansá un máksimo nobo di 6.770 persona na selebrashon di e Sena di Señor. Ademas, nos kier pa boso sa ku durante luna di febrüari 2004 nos a bolbe alkansá un máksimo di 2.197 publikadó pa e tres islanan. Esaki ta igual ku e máksimo ku nos a alkansá na mei 1998, lokual ta e kantidat di mas haltu di publikadó ku nos a yega di logra. Pues, nos ta masha kontentu pa mira e desaroyonan positivo aki.

Meskos ku boso, nos ta spera ansiosamente di por ‘abundá den e trabou di Señor,’ segun ku nos ta kuminsá ku e aña di sirbishi 2005.—1 Kor. 15:58.

Boso rumannan,

Ofisina di Sukursal di Kòrsou