Tur Esei Danki na Djis un Smail!

Helen ta smail segun ku e ta para banda di e garoshi di literatura. Dos mucha muhé ta kana pasa.

DOS mucha muhé tabata kana den un área komersial na Baguio, Filipinas. Djaleu nan a mira nos garoshi di literatura, pero nan no a yega serka. Helen, e ruman ku tabata pará band’i e garoshi, a djis smail ku nan. Nan a sigui kana, pero Helen su smail a keda den nan mente.

Den bùs na kaminda pa kas, nan a mira e logo jw.org riba un Salòn di Reino. Nan a kòrda ku nan a mira e mesun lèternan ei riba e garoshi. Nan tur dos a baha for di e bùs i a bai n’e Salòn. Riba e bòrchi nan a mira e diferente orarionan ku lo tin reunion.

E mesun dos mucha muhénan ta smail ora nan mira Helen na Salòn di Reino.

Nan tur dos a bai na un di e siguiente reunionnan. Anto, bo no por imaginá ken nan a mira ora nan a drenta Salòn: Helen! Mesora nan a rekonosé ku é tabata e señora ku a smail ku nan. Helen a bisa: “Ora nan a kana bini den mi direkshon, m’a bira un tiki nèrvioso. M’a pensa ku kisas m’a hasi algu robes.” Pero, nan a splika Helen loke a pasa.

Tur e dos mucha muhénan a gusta e reunion. Nan a sinti nan na kas. Ora nan a mira algun ruman ta limpia Salòn despues di reunion, nan a puntra si nan tambe por duna un man. Un di nan no ta biba n’e pais mas, pero esun otro sí a kuminsá asistí regularmente n’e reunionnan i a kuminsá studia. Anto, tur esei danki na djis un smail!