Bo Ta Morde Riba Djente?

DESDE tempu antiguo hende ta morde riba nan djente ora nan ta bou di stres. Bijbel ta papia hopi biaha di morde riba djente pa denotá rabia of angustia. (Job 16:9; Mateo 13:42, 50) Den e mundu djawe yená cu rabia i stres, miyones di hende ta morde literalmente riba nan djente, i mayoria no ta conciente cu nan ta hacié. Nan por ta gastando nan djentenan.

Pakico algun hende ta morde riba djente? E motibunan ta complicá i ainda no completamente comprendí. Pero den algun caso stres emocional ta resaltá como un probabel culpabel. UC Berkeley Wellness Letter ta señalá: “Hopi bes hende cu ta morde riba djente ta bisa cu nan ta pasando den dificultadnan matrimonial of financiero, ta den examen, tin miedu di perde nan trabou of ta bou di otro tipo di presion.” Otro posibel causa i factor cu ta contribuí na esaki ta djentenan cu no ta cera bon riba otro, drumimentu malu of consumo di alcohol. P’esei e Wellness Letter ta sugerí pa purba baha man na alcohol, tuma medidanan simpel pa relahá promé cu bai drumi, manera tuma un dushi baño cu awa cayente of papia tocante problemanan preocupante cu un amigu of consehero di confiansa.

Den dia kisas bo ta ripará cu bo ta morde riba bo djente of ta frega nan huntu. Pero con bo por sa si bo ta haci esaki ora bo ta drumí? Tin biaha mordementu crónico, conocí como bruxismo, ta producí un zonido suficiente duru pa lanta un otro hende cu ta drumí den e mésun cuarto. Kisas bo ta lanta cu dolor di cabes den bo sintí, of kisas bo kakumbein ta haci ‘tak.’a Bo dentista tambe lo por ripará cu bo djentenan ta demasiado gastá. E por recomendá kico pa haci pa haña algun alivio, manera un artefacto pa pone meimei di bo djentenan anochi. Aunke un protector di boca asina no ta diseñá pa stop bo di morde riba djente, e por protehá bo djentenan di mas daño. Di tur manera, relahá! Ménos bo preocupá, ménos bo ta morde riba djente.

[Nota]