Alabá Yehova, Nos Dios!

1. Alabá gran Yehova Dios

i su nòmber ban proklamá!

Avisá, pa tur hende sa,

ku su dia grandi ta⁀aserká.

Yehova a pone⁀Hesus nos Señor

riba trono pa goberná.

P’esei, prediká pa otronan sa

kuantu kos Dios tin prepará.

2. Alabá gran Yehova Dios!

Kanta, laga bos resoná!

Alegrá, kanta animá;

Dios su gloria nos ta proklamá.

Yehova t’e Kreador di tur kos,

ma humilde di kurason.

E sa kiko kada yu tin mester

i ta skucha nos orashon.