Imitá Yehova Su Bondat

1. O Yehova, Tata Santu,

digno di adorashon,

den bondat bo ta supremo;

bo no tin komparashon.

Bo fabor, miserikòrdia

nos no ta ni meresé.

Ta p’esei nos ta⁀adorá bo

ku amor i ku plaser.

2. Bo bondat tin su refleho

den bo pueblo konsagrá,

i bo santu kualidatnan

den tur kos nos ke⁀imitá,

predikando, pastoriando,

na tur pueblo i nashon.

Laga bo spiritu santu

siña nos pa hasi bon.

3. Yuda nos ser bondadoso,

spesialmente ku ruman,

i na kas i ku bisiña,

demostrá bondat kristian;

generoso, kariñoso,

ku pasenshi, imparsial,

komo yunan obediente

di nos Tata selestial.