BIBLIOTEKA ONLINE Watchtower

BIBLIOTEKA ONLINE

Papiamentu (Kòrsou)

mwb16 Aprel pág. 3
Usa Palabra Bondadoso pa Animá i Fortalesé Otro Hende

Nos Bida i Sirbishi Kristian—Material i Tarea pa Reunion (2016)

mwb16 Aprel pág. 3

TESORONAN DI E PALABRA DI DIOS | YÒB 16-20

Papia na un Manera Bondadoso pa Animá i Fortalesé Otro Hende

Un konsehero mester fortalesé otro hende

Yòb tabata sintié deprimí i angustiá. Pues, e tabatin mester di apoyo i animashon
Yòb su tres kompañeronan no a bisa nada pa konsol’é. Al kontrario, nan a akus’é i asina oumentá su angustia

Bildad su palabranan skèrpi a pone Yòb sklama di desesperashon

Yòb a supliká Dios pa dun’é alivio; el a asta pidi pa e muri
Yòb a enfoká riba e speransa di resurekshon i a sigui perseverá fielmente

Elifaz ta papia ku Yòb miéntras Bildad i Sofar ta sinta wak

PERSONANAN KU A AKUSÁ YÒB

Elifaz:

Kisas e tabata di Teman, un stat na Edòm. Segun Yeremías 49:7, e habitantenan di Teman tabata bon eduká
Di e tres supuesto konsoladónan, Elifaz aparentemente, tabata esun mas grandi i ku mas influensia. E tabata promé na palabra. El a papia tres biaha ku Yòb i a papia mas tantu ku e dos otronan

Su akusashonnan:

El a hasi bofon di e echo ku Yòb tabata leal na Dios i a insinuá ku Dios no ta konfia su sirbidónan (Yòb 4, 5)
El a insinuá ku Yòb tabata arogante i malbado i ku Yòb no tabata teme Dios (Yòb 15)
El a akusá Yòb di golosidat i inhustisia i a bisa ku hende no tin balor den bista di Dios (Yòb 22)

Bildad:

E tabata desendiente di Súa. Podisé el a biba serka di Riu Eufrates
E tabata esun di dos ku a hiba palabra; e tres biahanan ku el a papia, el a papia ménos ku Elifaz pero su palabranan tabata mas skèrpi

Su akusashonnan:

El a insinuá ku Yòb su yunan a peka i ku nan a meresé e kalamidat ku a bini riba nan. Ademas, el a bisa ku Yòb tabata sin Dios (Yòb 8)
El a insinuá ku Yòb tabata un malechor (Yòb 18)
El a bisa ku ta enbano pa keda leal na Dios (Yòb 25)

Sofar:

E tabata un naamatita, tal bes di nortwèst Arabia
E tabata esun di tres ku a papia i su akusashonnan tabata mas pisá ku esnan di Elifaz i Bildad. El a papia dos biaha

Su akusashonnan:

El bisa ku Yòb tabata papia kos sin pia sin kabes i a bisa Yòb pa stòp di hasi maldat (Yòb 11)
El a insinuá ku Yòb tabata malbado i ku Yòb tabata gusta hasi piká (Yòb 20)