-
Mustra Apresio pa Bida—Un Regalo di DiosBo Por Disfrutá di Bida pa Semper!—Kurso di Beibel Interaktivo
-
-
5. Respetá bida di un yu ku no a nase ainda
Na un manera poétiko, David a splika ku Yehova ta interesá den tur loke ta pasa ku un yu for di ora e ta den barika di su mama. Lesa Salmo 139:13-17. Despues, analisá e siguiente pregunta:
Den bista di Yehova, bida ta kuminsá ora un bebi nase òf ora un mama sali na estado?
E leinan ku Yehova a pone pa e nashon di Israel a protehá tantu un muhé ku ta na estado komo su yu ku no a nase ainda. Lesa Éksodo 21:22, 23.b Despues, analisá e siguiente preguntanan:
Kiko Yehova a pensa di un persona ku aksidentalmente a pone fin na bida di un yu ku no a nase ainda?
Kon lo e sinti si un persona hasi esei intenshonalmente?c
Kiko abo ta pensa di Dios su punto di bista?
Asta un hende muhé ku ta konsiente di e balor di bida por sinti ku aborto ta su úniko opshon. Lesa Isaías 41:10. Despues, analisá e siguiente preguntanan:
Si un hende muhé ta sintié preshoná pa kometé aborto, serka ken e mester buska yudansa? Dikon?
-
-
Mustra Apresio pa Bida—Un Regalo di DiosBo Por Disfrutá di Bida pa Semper!—Kurso di Beibel Interaktivo
-
-
b Éksodo 21:22, 23 (NW): “Si dos hòmber ta bringa ku otro i nan heridá un muhé na estado i e muhé duna lus prematuro pero e muhé ku e bebi keda na bida, e hòmber kulpabel mester paga e kompensashon ku e kasá di e muhé ta eksigí. E mester paga di akuerdo ku loke e huesnan disidí. Pero si un di nan muri, e ora ei mester duna bida pa bida.”
-