• Yuda Nos Ruman Muhénan
    E Toren di Vigilansia (Edishon di Estudio) 2020 | Sèptèmber
    • Hesus ta sintá miéntras ku e ta siñando hende. Marta i Maria ta sinta na su pia pa skuch’é. Kolekshon di plachi: 1. Un pareha ta bishitá un ruman muhé di edat ku ta malu na su kas. E esposo ta papia kuné segun ku e esposa ta warda e kompranan. 2. Un pareha ta disfrutá di Adorashon Komo Famia ku un ruman muhé i su yu. 3. Un ruman hòmber ta yuda dos ruman muhé kambia tayer di nan outo.

      Meskos ku Hesus, nos por demostrá ku nos ta stima i ta interesá den nos ruman muhénan fiel (Wak paragraf 6-9)f

       6. Di akuerdo ku Lukas 10:38-42, kon Hesus a yuda Marta i Maria?

      6 Hesus a pasa tempu ku su ruman muhénan spiritual. E tabata ègt un amigu pa nan. Por ehèmpel, wak e amistat ku e tabatin ku Maria i Marta, kendenan aparentemente tabata soltero. (Lesa Lukas 10:38-42.) Loke Hesus a bisa i hasi semper a laga nan sinti nan kómodo. Maria a sintié kómodo pa sinta na pia di Hesus komo un disipel.c I Marta, tur iritá pasobra Maria no a yud’é, a sintié liber pa bisa Hesus kiko e tabata pensa. Na e okashon informal ei, Hesus por a yuda nan tur dos den sentido spiritual. I el a demostrá ku e tabata interesá den nan i nan ruman, Lázaro, ora el a bishitá nan hopi biaha. (Huan 12:1-3) Pues, no ta nada straño ku Maria i Marta tabata sa ku nan por a pidi Hesus yudansa ora Lázaro a bira hopi malu.—Huan 11:3, 5.