-
E Promé Kristiannan i e Lei di MoisesE Toren di Vigilansia—2003 | 15 di Mart
-
-
Kiko di Kristiannan Hudiu?
12. Kua pregunta no a haña kontesta?
12 E kuerpo gobernante a indiká bon kla ku e paganonan ku a bira kristian no tabatin nodi ser sirkumsidá. Pero kiko di e kristiannan hudiu? E desishon ku e kuerpo gobernante a tuma no a kontestá e parti spesífiko ei dje kuestion.
13. Dikon tabata inkorekto pa pretendé ku hende mester a kumpli ku e Lei di Moises pa haña salbashon?
13 Algun kristian hudiu ku tabata “yen di selo pa e Lei” a sigui sirkumsidá nan yunan i kumpli ku sierto aspektonan di e Lei. (Echonan 21:20) Otronan a bai mas leu ainda dor di asta insistí ku kristiannan hudiu mester kumpli ku Lei pa nan por ser salbá. Nan tabata gravemente ekiboká. Por ehèmpel, kon un kristian hudiu por a ofresé un sakrifisio di bestia pa pordon di piká? Hesus su sakrifisio a kanselá tur e sakrifisionan ei. Kiko di e rekisito di Lei ku a mustra ku hudiunan mester a evitá di sera muchu ku paganonan? Lo tabata masha difísil pa e predikadónan kristian seloso tene nan mes na e restrikshonnan aki i tòg kumpli ku e tarea di siña e paganonan tur e kosnan ku Hesus a siña. (Mateo 28:19, 20; Echonan 1:8; 10:28)a No tin evidensia ku e asuntu aki a ser klarifiká durante un reunion di e kuerpo gobernante. Sin embargo, e kongregashon no a keda sin yudansa.
-
-
E Promé Kristiannan i e Lei di MoisesE Toren di Vigilansia—2003 | 15 di Mart
-
-
[Kuadro/Plachi na página 24]
Ku Humildat Pablo Ta Enfrentá un Prueba
Despues di un biahe di misionero eksitoso, Pablo a yega Yerúsalèm na aña 56 di nos era. Einan el a hañ’é ku un prueba. E kongregashon a tende ku Pablo tabata siña hende ku e Lei no ta aplikabel mas. E ansianonan tabatin miedu ku e kristiannan hudiu resien kombertí lo a trompeká dor di e manera franko ku Pablo tabata papia riba e tema di Lei i ku nan lo por a konkluí ku kristiannan no tin rèspèt pa Yehova su areglonan. Tabatin kuater kristian hudiu ku a hasi un voto, kisas nan a hura komo nazareno. Nan mester a bai tèmpel pa nan por a kumpli ku nan voto.
E ansianonan a pidi Pablo pa bai n’e tèmpel huntu ku e kuater hòmbernan aki i paga nan gastunan. Pablo a skirbi por lo ménos dos karta inspirá den kua el a rasoná ku hende no tin nodi kumpli ku e Lei pa nan haña salbashon. Sin embargo, el a tene kuenta ku konsenshi di otro hende. Mas promé el a skirbi: “Pa esnan ku ta bou di lei mi a bira manera bou di lei . . . pa mi por gana esnan ku ta bou di lei.” (1 Korintionan 9:20-23) Ounke nunka Pablo no a komprometé prinsipionan vital di e Skritura, el a sinti ku e por a aseptá e sugerensia di e ansianonan. (Echonan 21:15-26) Loke el a hasi no tabata robes. Ningun kaminda e Skritura no ta prohibí hende di hasi un voto, i nan tabata usa e tèmpel pa adorashon puru i no pa idolatria. P’esei pa Pablo no pone ningun hende trompeká, el a hasi loke nan a pidié. (1 Korintionan 8:13) Sin duda, Pablo mester tabata hopi humilde, i esaki ta pone ku nos ta haña mas apresio p’e.
-