12. Di akuerdo ku 1 Pedro 3:18 i 22, ki diferensia tabatin entre e resurekshon di Hesus i esnan promé?

¹² Di eksperensia Pablo tabata sa ku “Kristu a ser lantá for di morto.” E resurekshon di Hesus tabata superior na esnan ku a resusitá promé kuné, pasobra nan a bolbe muri. Pablo a bisa ku Hesus tabata “e promé fruta di esnan ku a bai sosegá.” Den ki sentido? E tabata e promé hende ku a resusitá komo kriatura spiritual i e promé ku a bai shelu.—1 Kor. 15:20; Echo. 26:23; lesa 1 Pedro 3:18, 22.

16. Kiko Pablo tabata ke men ora el a yama Hesus “e promé fruta”?

¹⁶ Pablo a skirbi ku Kristu a resusitá komo “e promé fruta di esnan ku a bai sosegá.” Ta bèrdat ku tabatin otro hende, manera Lázaro, ku a ser resusitá aki riba tera. Pero, Hesus tabata e promé ku a resusitá komo kriatura spiritual i a haña bida eterno. Den e sentido ei, Hesus tabata manera e promé frutanan di e kosecha ku e israelitanan tabata ofresé na Dios. Ademas, ora Pablo a yama Hesus “e promé fruta,” e tabata ke men ku despues tambe lo tabatin otro hende ku lo a resusitá pa biba den shelu. Ku tempu, tur esnan ku tabata “den union ku Kristu,” inkluso e apòstelnan, lo a ser resusitá pa biba den shelu, meskos ku Hesus.