3. Kico a sosodé den pasado cu Pedro ta bisa lo sosodé atrobe?

³ Despues cu Pedro a insta su rumannan pa presta atencion na profecia, e ta bisa: “Sin embargo, a yega di tin tambe profetanan falsu [den antiguo Israel], mescos cu tambe lo tin maestronan falsu meimei di boso.” (2 Pedro 1:14–2:1) E pueblo di Dios den antigwedad a ricibí profecia berdadero, pero tambe nan tabatin cu lucha cu e siñansanan corumpí di profetanan falsu. (Jeremías 6:13, 14; 28:1-3, 15) “Den e profetanan di Jerusalem,” Jeremías a skirbi, “mi a mira cosnan horibel, nan ta cometé adulterio i ta cana den falsedad.”—Jeremías 23:14.

 4. Pakico maestronan falsu ta merecé destruccion?

⁴ Describiendo loke maestronan falsu lo a haci den e congregacion cristian, Pedro ta bisa: “Esakinan mes lo introducí sectanan destructivo secretamente i lo nenga asta e doño [Jesucristo] cu a cumpra nan, treciendo destruccion rápido riba nan mes.” (2 Pedro 2:1; Hudas 4) E resultado final dje formacion ei di sectanan den e promé siglo ta cristiandad manera nos conoc’é awe. Pedro ta mustra pakico maestronan falsu ta merecé destruccion completo: “Hopi lo sigui nan actonan di libertinahe, i pa causa di esakinan nan lo papia ofensivamente di e caminda dje berdad.”—2 Pedro 2:2.

Introduciendo Siñansa Falsu

 6. Kico ta motivá maestronan falsu, i con nan ta busca pa haña loke nan ta deseá?

⁶ Nos ta haci bon di tuma nota con maestronan falsu ta introducí nan pensamentu corumpí. Pedro ta bisa promé cu nan ta haci esei secretamente, of den un manera sutil i iriparabel. E ta agregá: “Cu cudishi nan lo probechá di boso cu palabranan falsu.” Deseo egoista ta motivá maestronan falsu, manera e traduccion den The Jerusalem Bible ta enfatisá: “Ansiosamente nan lo purba cumpra boso pa nan mes cu discursonan traicionero.” Di igual manera, James Moffatt su traduccion ta bisa aki: “Den nan mal deseo nan lo probechá di boso cu argumentonan mañoso.” (2 Pedro 2:1, 3) E expresionnan di maestronan falsu por parce razonabel pa un hende cu no ta spiritualmente alerto, pero nan palabranan ta diseñá cuidadosamente pa “cumpra” hende, seduciendo nan pa sirbi e propósitonan egoista dje gañadónan.