22. Ki sumario Juan a duna di desaroyo dje gera final?

²² Juan a duna sumario di desaroyo dje gera final: “I mi a mira e bestia salbahe i rey di tera i nan ehército reuni hunto pa haci gera cu esun sintá riba e cabai i cu su ehército. I e bestia salbahe tabata capturá, i hunto cuné e profeta falso cu a haci dilanti dje siñal cu locual el a gaña esnan cu a recibi e marca dje bestia salbahe i esnan cu ta rindi adoracion na su imagen. Mientras cu nan ta bibo ainda, nan dos tabata tirá den e tanki di candela cu ta kima cu swafel. Pero e resto tabata matá cu e spada largu di esun sintá riba e cabai, cua spada a sali for di su boca. I tur páhara tabata yená cu e carni di nan.”—Revelacion 19:19-21.

24. (a) Cua huicio ta ser ehecutá riba e bestia salbahe i e profeta falso, i den ki sentido nan ta “bibo” ainda? (b) Pakico e “tanki di candela” tin cu ser simbólico?

²⁴ E bestia salbahe cu siete cabez i diez cachu cu a subi foi lamá i ta representa e organizacion político di Satanás, ta cai den olvido, i hunto cu ne ta cai e profeta falso, esta, poder mundial di siete. (Revelacion 13:1, 11-13; 16:13) Mientras cu nan ta “bibo” ainda, of funcionando den nan oposicion uní contra e pueblo di Dios riba tera, nan ta ser tirá den e “tanki di candela.” Esei ta un tanki di candela mes? No, mescos cu e bestia salbahe i profeta falso no ta bestia mes. Mas bien, e tanki ta un símbolo di destruccion completo i final, un lugar di unda no tin regreso. Ei mes, mas tardi, morto i Hades i també e Diabel mes lo ser tirá. (Revelacion 20:10, 14) Esei siguramente no ta un fiernu di tormento eterno pa hende malbado, siendo cu e idea mes di tal lugar ta repugnante pa Jehova Dios.—Jeremías 19:5; 32:35; 1 Juan 4:8, 16.