Kiko Ta e Bon Notisia?

Dios ke pa hende disfrutá di bida riba tera. El a krea tera i tur loke tin riba dje pasobra e ta stima humanidat. Pronto lo e trese un mihó futuro pa hende di tur nashon. Lo e libra hende di tur loke ta kousa sufrimentu.—Lesa Yeremías 29:11.

No tin ningun gobièrnu ku a logra eliminá violensia, malesa i morto. Pero Dios tin bon notisia pa nos. Pronto lo e remplasá tur gobièrnu humano ku su gobernashon. E hendenan ku lo biba bou di e gobernashon akí lo disfrutá di pas i bon salú.—Lesa Isaías 25:8; 33:24; Daniel 2:44.

Pa nos por haña alivio for di sufrimentu, Dios tin ku kaba ku mal hende. (Sofonías 2:3) Na ki tempu lo e hasi esei? Su Palabra a papia di e kosnan ku ta terorisando humanidat aworakí. E susesonan akí ta indiká ku e tempu pa Dios aktua ta serka.—Lesa 2 Timoteo 3:1-5.

Nos tin ku siña tokante Dios for di su Palabra. Beibel ta manera un karta ku un tata amoroso ta laga pa su yunan. E ta siña nos kon nos por hiba un mihó bida aworakí i kon nos por disfrutá di bida eterno riba tera den futuro. Kisas algun hende no ta gusta ku bo ta haña yudansa pa komprondé Beibel. Pero e oportunidat di haña un mihó futuro ta muchu bon pa bo pèrd’é.—Lesa Proverbionan 29:25; Revelashon 14:6, 7.