Väle, waut ea een bät soo wieren aus Tieren, wäajen dee biejlikj grausom un nich opp to veloten wieren, haben äa Läwen gaunz jeendat met de Help von Gott sienen Jeist (Jes. 65:25). Dee haben sikj sea aunjestrenjt, von äare schlajchte Ieejenschoften loostokomen (Efs. 4:​22-24). Secha, Gott siene Deena sent noch onvolkomen un doawäajen woa wie emma wada Fäla moaken. Oba Jehowa haft doawäajen “aule [Sorten] Menschen” derch de Leew veeenicht, un dee haben nu woaren Fräd (Tit. 2:11). Dauts werkjlich een Wunda, waut bloos de aulmajchtja Gott doonen kaun! Daut, waut Jehowa vesprakjt, erfelt sikj emma (Jes. 55:​10-11). Biejlikj jeft daut vondoag dän Dach aul daut jeistelje Paradies. Jehowa haft doafäa jesorcht, daut siene Deena en eene veeende Famielje sent, waut werkjlich besonda es. En dise Famielje feel wie ons secha un haben soo väl Fräd, aus en dise schlajchte Welt mäajlich es (Psa. 72:7). Doawäajen well wie soo väl aus mäajlich halpen, en de Famielje von Jehowa siene Deena nenntokomen. Daut kjenn wie doaderch, daut wie ons gaunz doahinja lajen, Jinja to moaken (Mat. 28:​19-20). w24.04 23 V. 13, 15

Jesus leewd Jehowa met sien gaunzet Vestaunt. Hee wist, waut Gott von am haben wull, un hee wia sikj eenich, daut to doonen, wan hee doafäa uk lieden must. Wiels hee doano ut wia, sienen Voda sienen Wellen to doonen, leet hee sikj von nuscht aufhoolen. Petrus un de aundre Apostel hauden daut Väarajcht, met Jesus toop to sennen un daut perseenlich to seenen, woo hee aundre lieed. Aus Petrus sienen ieeschten Breef schreef, muntad hee de Christen opp, deeselwje Enstalunk to kjrieen, waut Christus haud (1. Pet. 4:1). Daut griechische Wuat fa “doaropp schaufen”, waut Petrus hia brukt, wort fa Soldoten jebrukt, waut äa Kjrichsjereetschoft reedmuaken fa dän Kjrich. Soo, wan Christen Jesus siene Enstalunk, ooda sien Denkjen, nodoonen, dan haben dee daut baste Jereetschoft, om jäajen schlajchte Wenschen un jäajen dän Soton siene Welt to kjamfen (2. Kor. 10:​3-5; Efs. 6:12). w25.03 8 V. 1-3

Waut vonne Sachen saust du äwa dän aundren utfinjen, wan jie spazieren? Ea jie gaunz veleeft sent, sell jie äwa eenje wichtje Sachen räden, biejlikj waut jieda eena sikj em Läwen väajenomen haft. Woo kaust du utfinjen, woo de aundre Persoon daut werkjlich haft? Eent von daut Baste es, Froagen to stalen un fein tootohorchen. Jie sellen gaunz op räden un opprechtich sennen (Jak. 1:19). Veleicht kjenn jie toop waut doonen, wua jie fein vetalen kjennen – biejlikj toop äten, toop opp Städen gonen, wua Menschen sent, un toop prädjen. Jie kjennen dän aundren uk bäta kjanen lieren, wan jie met de Famielje un Frind toop sent. Plont uk soont, wua jie seenen kjennen, woo de aundre Persoon sikj oppstalt, wan dee met veschiedne Menschen ooda en veschiedne Loagen es. w24.05 27-28 V. 6-7