2. Worship blo iumi for Jehovah shud hao?

Iumi shud worshipim Jehovah nomoa bikos hem nao Creator. (Revelation 4:11) Diswan minim iumi mas lovem hem and worshipim hem nomoa, iumi no iusim eni idol or image lo worship blo iumi.—Readim Isaiah 42:8.

Worship blo iumi mas “holy, and wea God acceptim.” (Romans 12:1) Diswan minim iumi need for obeyim olketa law blo hem. For example, olketa wea lovem Jehovah, olketa lovem and obeyim olketa standard blo hem abaotem marit. And olketa no duim samting wea savve spoelem man, olsem for smokem tobacco, or misiusim drug or alcohol.a

3. Lukaftarem gud health blo iu

Olketa Christian wea dedicate lo Jehovah, iusim full laef blo olketa for worshipim hem. Hem olsem olketa givim body blo olketa olsem sakrifaes lo God. Readim Romans 12:1, 2, then discussim tugeta olketa kwestin hia:

• Wat nao shud motivatim iu for lukaftarem gud health blo iu?

• Wat nao samfala samting wea iu savve duim for lukaftarem gud health blo iu?