3. Lukaftarem gud health blo iu

Olketa Christian wea dedicate lo Jehovah, iusim full laef blo olketa for worshipim hem. Hem olsem olketa givim body blo olketa olsem sakrifaes lo God. Readim Romans 12:1, 2, then discussim tugeta olketa kwestin hia:

• Wat nao shud motivatim iu for lukaftarem gud health blo iu?

• Wat nao samfala samting wea iu savve duim for lukaftarem gud health blo iu?

Iu lanem staka samting finis abaotem Jehovah taem iu studyim Bible. Maet iu changem finis samfala samting lo laef blo iu for followim wat iu lanem. Nomata olsem, maet samfala samting mekem iu hol bak for dedicatem iuseleva lo Jehovah and baptaes. Disfala leson bae storyim samfala samting wea mekem staka pipol hol bak for baptaes and hao iu savve deal witim olketa samting hia.

1. Hao, iu need for savve lo evri samting lo Bible bifor iu baptaes?

For baptaes, iu need for kasem “stretfala knowledge abaotem truth.” (1 Timothy 2:4) Datwan no minim iu mas savve lo ansa for evri kwestin wea maet pipol askem iu abaotem Bible bifor iu baptaes. Nomata olketa Christian wea baptaes longtaem finis, olketa gohed for lane abaotem Bible. (Colossians 1:9, 10) Bat hem important for iu understandim olketa main Bible teaching. Olketa elder lo kongregeson bae helpem iu for faendaot if iu need for savve lo samfala samting moa.

2. Wat nao samfala samting wea iu need for duim bifor iu baptaes?

Bifor iu baptaes, iu mas “repent and tane raon.” (Readim Acts 3:19.) Diswan minim iu barava sorre for eni sin wea iu duim bifor and askem Jehovah for forgivim iu. And tu, iu disaed strong for no duim olketa samting wea God no laekem, bat duim wanem God hapi lo hem. Nara samting tu, hem for start attendim olketa meeting and for preach witim kongregeson olsem wanfala anbaptaes pablisa.

3. Why nao iu shud no letem wei for fraet mekem iu hol bak?

Samfala fraet nogud olketa no duim wat olketa promisim lo Jehovah. Hem tru, samtaems bae iu mekem olketa mistek, olsem tu olketa faithful man and woman wea Bible storyim. Bat Jehovah no expectim olketa wea worshipim hem for perfect. (Readim Psalm 103:13, 14.) Hem hapi taem iu duim best blo iu! Hem bae helpem iu. Dastawe, Jehovah sei no eni samting “savve separatem love blo [hem] from iumi.”—Readim Romans 8:38, 39.

DIG GO MOA

4. Savve gud lo Jehovah

Hao, iu need for savve lo evri samting abaotem Jehovah bifor iu baptaes? Nomoa, bat iu need for savve gud lo hem mekem iu lovem hem and duim samting wea hem hapi lo hem. Pleim VIDEO for lukim hao olketa Bible student duim datwan. Then discussim tugeta disfala kwestin.

VIDEO: Olketa Samting wea Redyim Man for Baptaes (3:56)

• Olsem iumi lukim lo video, wat nao helpem olketa hia for redi for baptaes?

Readim Romans 12:2, then discussim tugeta olketa kwestin hia:

• Hao, iu garem eni daot abaotem wat Bible teachim or sapos Olketa Jehovah’s Witness nao teachim truth?

• If olsem, wat nao iu shud duim?

5. Deal witim olketa samting wea mekem iu hol bak for baptaes

Iumi evriwan savve kasem olketa challenge taem iumi disaed for dedicate lo Jehovah and baptaes. For lukim wanfala example, pleim VIDEO, then discussim tugeta olketa kwestin hia.

VIDEO: Love for Jehovah Helpem Man for Deal Witim Olketa Challenge (5:22)

• Olsem iumi lukim lo video, wat nao olketa challenge wea Narangerel mas deal witim mekem hem worshipim Jehovah?

• Hao nao love blo hem for Jehovah helpem hem for deal witim olketa challenge hia?

Readim Proverbs 29:25 and 2 Timothy 1:7, then discussim tugeta disfala kwestin:

• Wat nao mekem iumi for no fraet for deal witim olketa challenge wea iumi kasem?

6. Trustim hao Jehovah bae helpem iu

Jehovah bae helpem iu for duim samting wea mekem hem hapi. Pleim VIDEO, then discussim tugeta olketa kwestin hia.

VIDEO: Jehovah God Bae Helpem Iu (2:50)

• Olsem iumi lukim lo video, why nao datfala Bible student hol bak for baptaes?

• Wat nao hem lanem wea helpem hem for strongim trust blo hem lo Jehovah?

Readim Isaiah 41:10, 13, then discussim tugeta disfala kwestin:

• Why nao iu savve sure dat iu bae duim wat iu promisim taem iu dedicate?

7. Strongim wei wea iu tinghae lo love blo Jehovah

Taem iu gohed ting abaotem olketa samting wea Jehovah duim wea showim hem lovem iu, bae iu tinghae go moa lo hem and laek for worshipim hem for olowe. Readim Psalm 40:5, then discussim tugeta disfala kwestin:

• Wat nao olketa blessing wea iu kasem from Jehovah wea iu tinghae tumas lo hem?

Profet Jeremiah lovem Jehovah and toktok blo hem. Jeremiah barava tinghae lo privilege wea hem garem for mekhae lo nem blo Jehovah. Hem sei: “Toktok blo iu kamap samting wea mekem heart blo mi feel gud and hapi tumas, bikos mi garem nem blo iu, O Jehovah.” (Jeremiah 15:16) Ansarem olketa kwestin hia:

• Why nao hem wanfala spesol privilege for kamap wanfala Jehovah’s Witness?

• Hao, iu laek for baptaes for kamap wanfala Jehovah’s Witness?

• Eni samting stopem iu for baptaes?

• Wat nao iu ting iu need for duim for kasem goal for baptaes?

MAIN POINT

Witim help blo Jehovah, iu savve deal witim eni challenge wea iu kasem taem iu disaed for baptaes.

Review

• Hao, iu need for savve lo evri samting lo Bible bifor iu baptaes?

• Wat nao samfala samting wea iu need for changem bifor iu baptaes?

• Why nao iu shud no letem wei for fraet mekem iu hol bak for baptaes?

FAENDAOT MOA

Read abaotem wat nao shud main samting wea mekem iu disaed for baptaes.

“Waswe, Iu Redi for Baptaes?” (Wastaoa, March 2020)

Read abaotem hao for deal witim olketa challenge wea savve mekem iu hol bak for baptaes.

“Why Nao Mi Hol Bak for Baptaes?” (Wastaoa, March 2019)

Lukim hao wanfala man winim olketa challenge wea hem kasem mekem hem fit for baptaes.

‘Why Nao Iu Hol Bak for Baptaes?’ (1:10)

Firstaem Ataa hem hol bak for baptaes. Lukim wat nao helpem hem for baptaes.

Hao, Mi Fit for Kasem Diswan? (7:21)