Salmos

137 Babilonia mayu kantuspi+ tiyaykuspa

waqarikoj kayku Sionmanta yuyarikuspa.+

2 Babilonia jallpʼaspi álamo sachʼasman

arpasniykuta warkhurarqayku.+

3 Chaypi presosta japʼishawarqayku chaykunaqa takipunaykuta munarqanku.+

Burlakuwaj kayku, asikunallankupaj takichiyta munawaj kayku:

“Ujsituta takiripuwayku chay Sionmanta takiykunata”, nispa.

4 ¿Imaynatataj Jehová Diospa takiykunasninta

waj llajtapi takiykumanri?

5 Jerusalén, sichus qonqaykiman chayqa,

paña makeyqa amaña imatapis ruwananpaj valechunchu.*+

6 Manachus qanmanta yuyarikuni chayqa,

manachus Jerusalén

aswan jatun kusikuyniy kanman chayqa,

qalloyqa simiyman* kʼaskaykuchun.+

7 Jehová Diosníy, yuyarikuy ari chay edomitaspa nisqankuta.

Jerusalén urmashajtin paykunaqa kay jinata nerqanku:

“Thuñiychej, cimientosnintawan thuñiychej”, nispa.+

8 Babilonia llajta, tumpamantawan thuñisqa kanki.+

Kusisqamin kanqa

imaynatachus qan ruwawarqayku chay kikinta ruwasojqa.+

9 Kusisqamin kanqa pichus wawasniykita japʼispa

chhanka rumisman chʼallparparejqa.+