• ¿Pikunataj kanku ‘chay tawa uyasniyoj kausajkuna’?
    Tukuypis Jehovallata yupaychajtinku

    • 15. Ezequiel ñaupaj kutirayku mosqoypi jina rikuspa, ¿imatataj yachakorqa?

      15 Ezequieltaqa mayta sonqocharqa ñaupaj kutirayku mosqoypi jina imatachus rikusqan. Imatachus yachakusqantataj Ezequiel libroj qallariyninpi tarisunman. Ezequielqa nerqa “caldeospa jallpʼankupi” kashasqanta. Chantá paymanta parlaspa nerqa: “Chaypi payqa Jehová Diospa atiyninta japʼerqa” (Eze. 1:3). Ezequielqa mana Jerusalenpichu mosqoypi jina rikorqa, manachayqa chaypi nisunman Babiloniapi.c Ezequielqa preso apasqa kaspapis, Jerusalenmanta karupi kaspapis, mana templopichu kaspapis Jehová Diospa qayllallanpipuni kasharqa, paytataj yupaychasharqa. Jehová Dios Ezequielman Babiloniapi rikhurisqanqa payman yachacherqa Jehová Diosta yupaychanapajqa mana uj lugarpipunichu kana kasqanta, nitaj uj cargoyojpunichu kana kasqanta, astawanqa Jehová Diosta tukuy sonqo yupaychana kasqanta payllata sirviyta munaspa.