YACHAI 13
Panda religioncunaca Diospaj shutitami mapayachishcacuna
Diosca cꞌuyajmari. Pero huaquin yachachijcunaca Diospaj shutipimi caita o chaita ruranchij nincunami. Chashna nishpapish ¿imamantataj achca mana alli cosascunata rurashca? Panda religioncuna cashcamanta. Paicunapaj yachachishcacunahuan, paicunapaj rurashcacunahuanmi Diosta pingaipi churashcacuna. ¿Diostaca ima shinataj pingaipi churashcacuna? ¿Paicunataca Diosca ima shinashi ricun? ¿Paicunahuanca Diosca imatataj ruranga?
1. ¿Panda religioncunaca paicunapaj yachachishcacunahuanca ima shinataj Diosta pingaipi churashcacuna?
Panda religioncunaca Dios cushca ‘mana llullacunata crinapaj randica llullacunata crishpami’ yachachishcacuna (Romanos 1:25, NWT). Paicunaca Diospaj shutita mana yachachincunachu. Pero Bibliapica Diospaj shutita nina cashcatami yachachin (Romanos 10:13, 14, NWT). Huaquin yachachijcunaca ima llaqui tiyajpica Diospaj munaimi can nishpami yachachincuna. Pero chaica llullami can (Santiago 1:13-ta liyipai, NWT). Panda religioncunaca chashna yachachishpami gentecunataca Diosmanta caruyachishcacuna.
2. ¿Panda religioncunaca paicunapaj rurashcacunahuanca ima shinataj Diosta pingaipi churashcacuna?
Panda religioncunaca Dios munashca shinaca gentecunata mana tratanchu. Bibliapica: “Paicunapaj juchacunaca cielocamami chayashca” ninmi (Apocalipsis 18:5). Panda religioncunaca achca huatacunata politicahuan chagrurishcamantami guerracuna tiyachun apoyashcacuna. Chaimantami achca gentecuna huañushca. Huaquin yachachijcunaca charijmi tucushcacuna, iglesiaman rijcunatapish cullquita cuchunmi mañancuna. Chashnami paicunaca Diosta mana rijsishcata ricuchincuna. Shinaca ¿ima shinataj Diospaj shutipimi tucuita ruranchij ni tucungacunari? (1 Juan 4:8-ta liyipai).
3. ¿Panda religioncunataca Yaya Diosca ima shinataj ricun?
Panda religioncuna imata ruracujta can ricushpaca manataj munanguichu. Jehová Dioscarin panda religioncuna gentecunata mana alli tratacushcata ricushpa, paitapish pingaipi churacushcata ricushpaca ashtahuanmi pꞌiñarin. Diosca gentecunata achcata cꞌuyashcamantami tucui panda religioncunataca: ‘Cutinca manataj ricuringachu’ nin (Apocalipsis 18:8, 21).
ASHTAHUAN YACHAI
Panda religionta Yayitu Dios ima shina ricushcatami yachashun. Panda religioncunapish mana allicunata rurashcatami ricushun. Paicuna imata ruracujta ricushpapish canca Diosmanta yachashpa catina cashcatami yachashun.
4. Yaya Diosca tucui religioncunataca mana chasquinchu
Achca gentecunaca Yaya Diosca tucui religioncunatami chasquin nincunami. Pero ¿chaica ciertochu can? Mateo 7:13, 14-ta liyipai. Qꞌuipaca cai catij tapuitami yachashun:
¿Bibliapi nishca shinaca huiñai causaiman apaj ñanca ima shinataj can?
VIDEOTA ricui. Qꞌuipaca cai catij tapuitami ricushun:
¿Bibliapica Diosca tucui religioncunata chasquishcatachu yachachin?
5. Panda religioncunaca Diospaj cꞌuyaita mana ricuchincunachu
Panda religioncunaca mana allicunata rurashpami Diosta pingaipi churashcacuna. Por ejemplo, guerracunatami apoyashcacuna. Religioncuna chaita ima shina rurashcata shuj videopi ricushun. VIDEOTA ricui. Qꞌuipaca cai catij tapuicunatami yachashun:
¿Segunda Guerra Mundialpica achca iglesiacunaca imatataj rurarcacuna?
¿Paicuna rurashcamantaca imatataj yuyangui?
Juan 13:34, 35 y 17:16-ta liyipai. Qꞌuipaca cai catij tapuicunatami yachashun:
¿Religioncuna guerracuna tiyachun apoyacujta ricushpaca Yaya Diosca ima shinashi sintirin?
Panda religioncunaca mana alli cosascunata rurashpami Diospaj cꞌuyaitaca manataj ricuchincuna. ¿Canca paicuna imata rurashcatataj ricushcangui?
Panda religioncunaca Diospaj cꞌuyaita mana ricuchincunachu.
6. Yaya Diosca panda religionmanta llujshichunmi munan
Apocalipsis 18:4-ta liyipai.a Qꞌuipaca cai catij tapuitami yachashun:
Panda religioncunapi pandachishca gentecunatami Yaya Diosca ayudasha nin. ¿Chaimantaca imatataj yuyangui?
7. Yaya Diosta rijsishpa cati
¿Panda religioncuna mana alli cosascunata rurashcamantaca Dioschu culpata charin? Caipi yuyai, shuj churica paipaj yayata mana cazushpami huasimanta llujshishpa rin. Paica mala vidatami causan. ¿Chai mana cazuj huahuapaj causaimantaca yayachu culpata charin?
Shinaca ¿panda religioncuna rurashcamantaca Diostachu culpana cangui? ¿Chai panda religioncunamantaca Diosmanta yachanatachu saquina cangui?
HUAQUINCUNACA: “Diosmanta mana yachasha ninichu, religioncunaca mana allicunatami rurancuna” nincunami.
¿Canpish chashnachu yuyangui?
¿Panda religioncunapaj rurashcacunata ricushpapish imamantataj Diosmanta yachanata mana saquina canchij?
YUYARISHUNCHIJ
Panda religionca paicunapaj yachachishcacunahuan, paicunapaj millai ruraicunahuanmi Diospaj shutita mapayachishcacuna. Chaimantami Diosca paicunata tucuchinga.
Yuyaringapaj tapuicuna
¿Panda religioncunapaj rurashcacunamanta, yachachishcacunamantaca imatataj yuyangui?
¿Panda religioncunataca Yaya Diosca ima shinataj ricun?
¿Panda religioncunahuanca Diosca imatataj ruranga?
CAICUNATAPISH RICUI
Achca religioncunata Yaya Dios imamanta mana chasquishcata ricushun.
“¿Tucui religioncunatachu Diosca chasquin?” (jw.org paginapi ricui)
¿Jehová Diosca imamantataj paita tandalla adorachun munan?
“¿Shuj religionta charinata minishtinchijchu?” (jw.org paginapi ricui)
Shuj curaca paipaj iglesiapi Bibliapi nishcata mana pajtachijpipish Diosmanta yachanataca mana saquircachu.
“Shuj curaca paipaj religiontami saquirca” (Rijchari, febrero de 2015)
Achca huatacunatami religioncunaca Dios ñucanchijmanta carupi cashcata, millai cashcata yachachishcacuna. Cai yachachishcacunaca llulla cashcata ricushun.
“¿Diosmantaca maijan llullacunataj caruyachin?” (Huillaj, 1 de noviembre de 2013)