Jesús ¿pita an?

Jesús tucuigunamanda yali ricsishca an. Shinajpis paihua shutira yachashas ansa runauna paita ali ricsinun shinallara shujcuna ashca iyaiguna charinun Jesusmanda. Biblia ¿imara yachachin paimanda?

1. Jesús ¿pita an?

Jesús ushayuj ángel ahua pachai causaj an. Jehová Dios manara tucuira rurashcallaira paita rurarca. Chiraigu “tucui causajcunamanda ñaupa punda” rurashca an (Colosenses 1:15). Jesusta rurangahua Jehovara mana pis yanapashcamanda, Biblia nin Jesús Jehovahuaj ‘sapalla Churi’ an nisha (Juan 3:16). Jesús paihua Yaya Jehovahua pariju tarbaca, tucui cosasgunara rurangaj yanapaca (leai Proverbios 8:30). Ishquindi ali amigo anun. Jesús “Causaj Shimi” an, cai nisha nin Yaya Diosta chuyaj shunguhua sirvisha pai yachachishcaunara shujcunama cuj (Juan 1:14).

2. ¿Imarasha Jesús cai allpama shamuca?

2.000 huatauna huashai, Jehová Dios paihua espíritu santohua shu milagro rurarca: ahua pachamanda Jesuspa causaira, malta huarmi María icsai churaca cai allpai runa cuinta pagarichu (leai Lucas 1:34, 35). Jesús cai allpama shamuca Mesías, Cristo nishca tucungaj tucui runaunara quishpichingahua.a Tucui Mesiasmanda rimashca profeciaguna Jesuspi pactarica. Shina ajpi runauna yachana ushanuca Jesús “Cristomi […] causaj Diospa Churi” ashcara (Mateo 16:16).

3. Cuna ¿maibi Jesús an?

Jesús runa cuinta huañushca huasha espíritu cuinta causachishca aca, ahua pachama tigraca. Chibi “Dios paita yalijta ahuayachica” (Filipenses 2:9). Cuna Jesús ashca mandana ushaira charin shinajpis paimanda yali Jehová Dios mas ushayuj an.

4. Jesús mana an Tucui Ushaj Dios

Biblia yachachinmi Jesús ahua pachai ashca ushayuj ángel ashas tucui huras Jehovara casunmi paihua Dios cuinta Yaya cuintas. ¿Imarasha shina rimanchi? VIDEORA ricuichi yachangaj Biblia imara yachachin Jehovamanda Jesús caran tunu shuj ashcara.

VIDEO: ¿Jesucristo Yaya Dioschu an? (3:22)

Catij textoguna intindichin Jehová, Jesús caran tunu shuj ashcara. Leaichi caran textogunara, huasha catij tapuigunamanda rimaichi:

Leaichi Lucas 1:30-32.

• ¿Imasnara ángel nica “ahuai tiaj” Jehová, Jesushua caran tunu shuj ashcara?

Leaichi Mateo 3:16, 17.

• Ahua pachamanda shimi ¿imara nica Jesús bautisarishcai?

• ¿Pimanda chi shimi ashcangairi?

Leaichi Juan 14:28.

• ¿Pita mas rucu, mas ushaira charij an: yaya o churi?

• Jesús ¿imara intindichina munaca Jehovara “Yaya” nisha?

Leaichi Juan 12:49.

• ¿Jesús iyacachu pai, paihua yayahua shujlla ashcara? Can ¿imara iyangui?

5. Jesús Mesías tucuca

VIDEO: Jesuspi pactarishca profeciaguna (3:03)

Cai Bibliamanda profeciagunara leaichi, huasha catij tapuigunamanda rimaichi:

Leaichi Miqueas 5:2 Mesías maibi pagarina ashcara yachangaj.b

• ¿Jesús pagarishcai cai profecía pactaricachu? (Mateo 2:1).

Leaichi Salmo 34:20; Zacarías 12:10 ricungaj Jesús huañunamanda huaquin profeciaguna rimashcauna.

• Cai profeciaguna ¿imasnara pactarica? (Juan 19:33-37).

• ¿Jesús, paillara ajllana ushacachu pai huañushca huasha paita imara rurana ashcara?

• Caiga Jesusmanda canda ¿imara iyachin?

IMARA YACHASHCANGUI

Ushayuj espíritu, Diospa Churi, Mesiaspas Jesús an.

Iyaringaj

• ¿Imarasha Jesusta ninchi “tucui causajcunamanda ñaupa punda” rurashca an nisha?

• Jesús cai allpama manara shamushcallaira ¿imara ruraj aca?

• ¿Imasnara yachanchi Jesús Mesías ajta?

RICUNGUI

Jesús Mesías ajmanda mas yachai.

“¿Bibliamanda profeciaguna Jesús Mesías ashcara ricuchinzhu?” (jw.org partii tiaj tema)

¿Jesusta runa yayauna cuinta Dios pagarichishcangachu? Caita ricui.

“¿Imarasha Jesús Diospa Churi an?” (jw.org partii tiaj tema)

Ricui imarasha cai yachachishca: Yaya Dios, Jesús, espíritu santo shujlla dios nishca mana Bibliamanda yachachishca an.

“Jesús ¿Yaya Dioschu?” (La Atalaya, 1 de abril de 2009)

Leapai Biblia Jesusmanda yachachishcara leashca huasha imasna shu huarmi causaira turcachishcara.

“Shu judía huarmi riman imarasha paihua quirinara turcachica” (¡Despertad!, mayo de 2013)