Lluqui maquii: huracán Ian (Florida, Estados Unidos), septiembre de 2022 (Sean Rayford/Getty Images); chaupii: shu mama paihua churindi guerramanda shuj partima apashca anun (Donetsk, Ucrania), julio de 2022 (Alex Chan Tsz Yuk/SOPA Images/LightRocket via Getty Images); ali maquii: ashca runaunara COVID unguimanda examenguna rurarianun (Pekín, China), abril de 2022 (Kevin Frayer/Getty Images).
¡RIPARARUS ASHUNCHI!
2022: Yapa turmindus huatami | Biblia caimanda ¿imara nin?
2022 huatai ashca manali cuintashcauna uyashcanchi guerragunamanda, cullqui pishishcamanda, indi yapa rupachishcamandas. Biblia ali intindichin imarasha tucui cai shinzhi turmindusgunara charinchi.
2022 huatai pasashcauna ¿imara ricuchin?
Tucui cai huatai pasashcauna ricuchin Biblia rimashca cuinta “puchucai timpuunai” causaushcara (2 Timoteo 3:1). Cai puchucai timpuuna 1914 huatai callarica. Ricungui imasna cuna pasaushca turmindusguna ricuchin ñucanchi punzhaunamanda Biblia ima rimashcara.
‘Guerraguna’ (Mateo 24:6).
“2022: Europa partii cutillara guerra rana huata”.a
“Rusia Ucrania llactara guerra ruran” nishca temara ricungui.
“Yarcaiguna” (Mateo 24:7).
“2022: Yapa shinzhi yarcaiguna tiaj huata”.b
“Ucrania llactai tiaj guerra intiru mundui yarcai pasana mirachin” nishca temara ricungui.
“Shinzhi ungüigunas” (Lucas 21:11).
“Cutillara polio shuti ungüi tian. Ashca runauna viruela del mono nishca ungüira apirianun, shinallara COVID-19 ashcaunara llaquichisha catin. Tucui cai pasashcauna ricuchin pasachij ungüiguna yapajta llaquichina ushan, shinallara ricuchin runauna huañunalla ashcara”.c
“6 Millón runauna COVID ungüimanda huañunuca” nishca temara ricungui.
“Manzhanaita atun ricurinauna” (Lucas 21:11).
“Sirtu pacha 2022 huatai inti yapajta rupachica. Yapa rupaj timpuuna, chaquishcauna, sachara rupachinauna, yacu undanauna..., Cai llaqui pasashcauna intiru mundui yapa huajlichishca, ashca huaranga huaranga runauna huañunushca, shujcuna quiquin llactara saquisha shuj llactama rinushca”.d
“Intiru mundui indi yapajta rupachiun” nishca temara ricungui.
‘Revolucionguna’ (Lucas 21:9).
“Runauna caran cuti mas piñarishca anun cullqui pishishcamanda, cosasguna yapa sicasha catishcamanda. Chimanda cai 2022 huata shuj huataunamanda yali ashca runauna gubirnuma cuntra risha paro ruranushca”.e
“Intiru mundui micuna shuj cosasguna yapa sicariun” nishca temara ricungui.
Shamuj huata ¿imara tucunga?
2023 huatai ima pasangaraushcara mana yachana ushanchi. Shinajpi sirtu pacha yachanchi ahua pacha Diospa Reinolla intiru allpai sirtu turcaigunara apamunga (Daniel 2:44). Chi gobierno tucui ñucanchira turmindachijcunara tucuchinga, shinallara Diospa munai intiru allpai pactarichu ruranga (Mateo 6:9, 10).
Canda cumbiranchi Jesús mandashca cuinta tucui huras ripararus asha causachu, shina ricuna ushangui imasna intiru mundui pasashcauna Biblia profeciagunara pactachiun (Marcos 13:37). Ñucanchira cayana ushangui yachangaj imasna Biblia cuna canda yanapana ushan, shinallara imasna canda camba ailluunaras shu sumaj chapanara cun shamuj punzhaunai cushi causanamanda.
a Jill Lawless: “2022 Was Year the Horror of War Returned to Europe,” AP News, 8 de diciembre de 2022.
b “Una crisis alimentaria mundial”, Programa Mundial de Alimentos.
c Lawrence O. Gostin, JD: “Living in an Age of Pandemics—From COVID-19 to Monkeypox, Polio, and Disease X”, JAMA Health Forum, 22 de septiembre de 2022.
d Martina Igini: “What’s Behind the Record-Breaking Extreme Weather Events of Summer 2022?”, Earth.Org. 24 de octubre de 2022.
e Thomas Carothers y Benjamin Feldman: “Economic Anger Dominated Global Protests in 2022”, Carnegie Endowment for International Peace, 8 de diciembre de 2022.