LECCIÓN 17
¿Imasnara Jesús an?
Jesús allpai ashcai rurashcara rimashcara yachasha, Jesuspajma, paihua Yaya Jehová Diospajmas mas llutarinchi. ¿Imara mas ali gustu ruraira Jesús rurashca? Ñucanchi ¿imara rurana ushanchi Jesús cuinta tucungaj?
1. ¿Imasnara Jesús ricurin paihua Yaya cuinta?
Ashca huaranga huaranga huatauna ahua pachai Jesús paihua Yayara ricusha yachashca, chiraigu paihua Yaya cuinta iyan, sintin, ruran (leai Juan 5:19). Jesús tucui huras paihua Yaya cuinta ruran imasna paillara nica: “Maicans ñucara ricusha Yayaras ricushcami” (Juan 14:9). Chiraigu Jesusta mas ali ricsisha, Jehovaras ali ricsinguimi. Imasna runaunara Jesús ali shungu ricuchishca Jehová canmanda ima sintishcara ricuchin.
2. ¿Imasnara Jesús ricuchica paihua Yayara llaquishcara?
Jesús nica: “Cai pacha runauna ñuca Yayara llaquishcaras, Yaya ñucara mandashcaras ricsinauchu, shinallarami rauni” (Juan 14:31). Jesús cai allpai ashcai, shinzhi turmindusguna pasaushas paihua Yayara casusha ashca llaquishcara ricuchica. Astaumbas Jesús yapa munaca paihua Yayamanda rimangaj, shujcunaras yanapangaj Diospa amigoguna tucunuchu (Juan 14:23).
3. ¿Imasnara Jesús ricuchica runaunara llaquishcara?
Biblia riman Jesús ‘runaunara ashcaras llaquinmi’ (Proverbios 8:31). Mana imaras chapasha, runaunara llaquinara ricuchica animachisha yanapashas. Pai milagro rurashcauna ricuchica ushai, ali shungu charishcaras (Marcos 1:40-42). Tucui tunu runaunara chi sami tunu llaquinara ricuchica. Ali shungu uyaj runaunara Jesuspa shimiuna animachica, ali chapanaras cuca. Shinallara tucui runaunara paigunamanda turmindarisha huañungaj munaca shinajpis pai yachachishcara casujcunara astaun mas llaquin (leai Juan 15:13, 14).
MAS YACHAI
Jesús imasna ajta mas ricsishun shinallara ricushunchi imasna catinas ushanchi Jesús llaquinara, cuyaj shungu charishcaras ricuchingahua.
4. Jesús paihua Yayara llaquin
Jesús ñucanchira yachachica imasnara Yaya Diosta llaquinara ricuchina ushanchi. Leaichi Lucas 6:12; Juan 15:10; 17:26. Caran texto leashca huasha, catij tapuimanda rimaichi:
Jesús rashcara ricusha ¿imasnara Jehovara llaquishcara ricuchina ushanchi?
Ahua pachai tiaj Yaya Diosta Jesús llaquica, caran cuti oraciondas paita rurarca.
5. Jesús yanapangaj munan yanapai ministijcunara
Jesús runaunamanda astaun mas iyarica paillai iyarina randi. Sambayashca ashas lugarda llucchica, ursarica shujcunara yanapangaj. Leaichi Marcos 6:30-44, huasha catij tapuigunamanda rimaichi:
Cai cuintashca shina ¿imasnara Jesús runaunara yanapana munashcara ricuchica? (Versículo 31, 34, 41, 42 ricuichi).
¿Imarasha Jesús chi runaunara yanapaca? (Versículo 34 ricuichi).
Jesús imasna pai Yaya cuinta ashcaraigu, cai cuintashca ¿imara canda yachachin Jehovamanda?
Jesús cuinta ¿imasnara shujcunara yanapana ushanchi?
6. Jesús cuyaj shungu an
Jesús mana ashca charishas cuyaj shungura ricuchica, Jesús ñucanchira animachin pai cuinta rurangaj. Leaichi Hechos 20:35, huasha catij tapuimanda rimaichi:
Jesús rimashca cuinta ¿imara ñucanchira cushiyachin?
VIDEORA ricuichi, huasha catij tapuimanda rimaichi:
Mana ashca charijcuna ashas ¿imara cuyana ushanchi?
¿Yachanguichu?
Diospa Shimi yachachin Jesuspa shutii Jehovara mañana anchi (leaichi Juan 16:23, 24). Casna rurasha Jesusta valichinchi Jehovahua amigo tucungaj yanapashcaraigu.
RUNAUNA CASNA NINUJPI: “Runauna turmindus pasaushcai Yaya Dios mana yanapanzhu”.
Jesús paihua Yaya cuinta asha ¿imasnara pai ali rurashcauna Jehová ñucanchima llaquishcara ricuchin?
IMARA YACHASHCANGUI
Jesús llaquinmi Jehovara, runaunaras. Jesús paihua Yaya cuinta an chiraigu Jesusta mas ricsisha, Jehovara can mas ricsinguimi.
Iyaringaj
¿Imasnara Jehová Diosta llaquinara ricuchina ushanchi Jesús cuinta?
¿Imasnara runaunara llaquinara ricuchina ushanchi Jesús cuinta?
¿Imara canda mas gustan Jesús imasna ashcaraigu?
RICUNGUI
Jesús huaquin ali rashcaunara cambas ali rurangaj ricui.
“Jesús ali rashcara catishunchi” (Jesús: el camino, la verdad y la vida, página 317)
Oracionda ruranai Jesús yapa yanapashcara ricui.
“¿Imarasha Jesús shutii oracionda rurana anchi?” (La Atalaya, 1 de febrero de 2008)
¿Diospa Shimi rimanzhu Jesús imasna ricurij ajta?
¿Imara yachanchi huarmiunara Jesús imasna llaquinara ricuchishcamanda?
“Dios huarmiunara respetan, valichimbas” (La Atalaya, 1 de septiembre de 2012)