17 Chaymantapas baulpa tapantam qurimanta ruwanayki. Chay tapapa largonmi kanqa huk metro masnin*, anchonñataqmi kanqa parte metro masnin*.+ 18 Chaymantapas iskay querubin angelkunatam martillowan takaspa qurimanta ruwanki. Chay angelkunaqa baulpa tapanpim chimpa-chimpa kanan.+ 19 Chay angelkunaqa kaylaw patanpi hinaspa waklaw patanpim kanan. 20 Chay angelkunapa rapranqa hanayninpaman kichasqam kanan baulpa tapanta llantuchkaq hina.+ Chimpa-chimpa kaspam kumuykuspa baulpa tapanta qawananku.