23 “Chaymantañataqmi huñunki kichkayuq sachapa miski asnaq wiqinta* suqta kilota, huñunkitaqmi kimsa kilo miski asnaq canelatapas, kimsa kilo miski asnaq quratapas*, 24 huk rikchaq suqta kilo canelatapas* chaynataq aceitunasmanta hurqusqa yaqa tawa litro* aceitetapas. Tukuy chaytaqa huñunki carpaypi tantiasqa llasayman hinam.+ 25 Tukuy chaykunawanmi sumaqta chapuspa* aceiteta ñuqapaq ruwanki.+ Chayqa akllasqa runakunaman tallinapaq miskillaña asnaq aceitem kanan.