15 Chaymi llapallan runakuna Guilgal llaqtaman rirqaku, chaypim Jehova Diospa qayllanpi kamachiqninku kananpaq Saulta churarqaku. Chaymantam Jehova Dioswan hawka kasqankurayku animalta nakapurqaku,+ hinaspam Saulpas chaynataq llapallan Israel runakunapas anchata kusikurqaku.+

13 Hinaptinmi Samuelqa Saulta nirqa: “Mana tantiarispam kaytaqa ruwarunki. Kay ruwasqaykiwanmi Jehova Diosta mana kasukurqankichu.+ Jehova Diosta kasukuspaykiqa Israel runakunatam hinalla kamachiwaq karqa, chaynataqmi miraynikikunapas wiñaypaq kamachinmanku karqa.

26 Samuelñataqmi Saulta nirqa: “Jehova Diosta mana kasukusqaykiraykum qanwanqa mana kutisaqchu. Jehova Diosmi qipancharusunki, manañam Israel runakunataqa kamachinkiñachu”, nispa.+

7 Chaymi Saulqa runankunataña nirqa: “Wañuqkunawan rimaq warmitayá maskamuychik,+ tapukuq riytam munani”, nispa. Hinaptinmi runankunañataq nirqaku: “En-dor llaqtapim wañuqkunawan rimaq warmi kachkan”, nispa.+

4 Hinaptinmi Saulqa yanapaqninta* nirqa: “Espadaykita hurquspayki tuksiruway. Manam munanichu Diosta mana yupaychaq* runakuna+ hamuspanku ñakarichiwanantaqa nitaq wañurachiwanantaqa”, nispa. Yanapaqninqa manam wañuchiyta munarqachu llumpayta manchakusqanrayku. Chaymi Saulqa espadata hapiykuspan kikinña tuksikururqa.+