19 Minchatawan mana kaptikiqa astawanraqchá watukusunki. Chaynaqa, qayninpa pakakusqaykiman hinam kay rumipa waqtanpi pakakunki. 20 Ñuqam kay rumipa waqtanman kimsakama flechamusaq imatapas flechamuchkaq hina. 21 Yanapawaqniytam nisaq: ‘Flechakunata maskamuy’, nispay. Sichu nisaq: ‘Flechakunaqa kaylawniqpim kachkan huqarimuy’, nispa. Hinaptinqa ama manchakuspam kutikamunki. Chaywanmi yachanki taytayqa mana wañuchisunaykita, chaytaqa Jehova Diospa sutinpim niki. 22 Sichu nisaq: ‘Flechakunaqa waklawniqpim kachkan’, nispa. Hinaptinqa yachankim pasakunaykita Jehova Dios munasqanta.