3 “Yachasqaykipi hinapas, taytay Davidqa muyuriqninpi yachaqkunawanmi* peleayllapiña karqa. Chaymi Jehova Diosniykupa sutin hatunchasqa kananpaq wasitaqa mana ruwarqachu. Taytayqa peleayllapiñam karqa chiqniqninkunata Jehova Dios chinkachinankama.+

17 Taytay Davidmi tukuy sunqunwan Israelpa yupaychasqan Jehova Diospaq wasi ruwayta munarqa, chaynapi Diospa sutin hatunchasqa kananpaq.+ 18 Jehova Diosmi ichaqa taytay Davidta nirqa: ‘Tukuy sunquykiwanmi sutiy hatunchasqa kananpaq wasita ruwapuwayta munanki, chay munasqaykiqa allinpunim. 19 Ichaqa manam qamchu wasitaqa ruwapuwanki. Manaraq naceq churikim sutiy hatunchasqa kananpaq wasitaqa ruwapuwanqa’, nispa.+

4 “Yupaychaqniy Davidtayá nimuy: ‘Jehova Diosmi nisunki: “Baulniyta churanapaq wasitaqa manam qamchu ruwanki.+ 5 Egipto nacionmanta Israel runaykunata hurqumusqay punchawmanta kunankamaqa manam baulniyqa wasipichu karqa, aswanqa mayman apasqa kaspanpas carpallapim karqa.+ 6 Israel runaykunata yanapasqay punchawkunapiqa juezkunatam churarqani, chaynapi paykunata yanapananpaq. Chay churasqay runakunataqa manam haykapipas nirqanichu wasita ruwapuwanankupaqqa. Manam haykapipas nirqanichu: ‘¿Imanasqataq cedro sachamanta wasita mana ruwapuwankichikchu?’”’, nispaqa.

7 Davidmi churin Salomonta nirqa: “Ñuqam munarqani Jehova Diospa sutin hatunchasqa kananpaq wasi ruwapuyta.+ 8 Ichaqa Jehova Diosmi niwarqa: ‘Peleaspaykim qamqa achka-achka runakunata wañuchirqanki. Chayraykum sutiy hatunchasqa kananpaq wasitaqa mana ruwapuwankimanchu.+