3 Hebron llaqtapi naceq Davidpa churinkunam karqa kaykuna:+ Piwi* churinpa sutinmi karqa Amnon.+ Amnonpa mamanmi karqa Jezreel llaqtayuq Ainoam.+ Iskay kaq churinñataqmi karqa Daniel. Danielpa mamanmi karqa Carmelo llaqtayuq Abigail.+ 2 Kimsa kaq churinñataqmi karqa Absalon.+ Absalonpa mamanmi karqa Maaca. Maacaqa karqa Guesur llaqtata kamachiq Talmaipa churinmi. Tawa kaq churinñataqmi karqa Adonias.+ Adoniaspa mamanmi karqa Aguit. 3 Pichqa kaq churinñataqmi karqa Sefatias. Sefatiaspa mamanmi karqa Abital. Suqta kaq churinñataqmi karqa Itream. Itreampa mamanmi karqa Egla. 4 Chay suqtantin churinkunam Hebron llaqtapi nacerqa. Hebron llaqtamantam Davidqa Juda aylluta kamachirqa qanchis wata parten, Jerusalen llaqtamantañataqmi 33 wata.+

5 Davidpa Jerusalenpi naceq churinkunañataqmi karqa:+ Simea, Sobab, Natan+ hinaspa Salomon.+ Paykunapa mamanmi karqa Bat-seba.+ Bat-sebaqa karqa Amielpa churinmi. 6 Davidpaqa karqataqmi sapaq isqun churinkunapas, paykunam karqa: Ibar, Elisama, Elifelet, 7 Noga, Nefeg, Jafia, 8 Elisama, Eliada hinaspa Elifelet. 9 Paykunam karqa Davidpa churinkuna. Karqataqmi huk warminkunapi churinkunapas. Paykunapa paninmi karqa Tamar.+