13 Hinaptinmi Diosqa Abranta nirqa: “Miraynikikunam runapa llaqtanpi yachanqaku*, chaypim forastero kanqaku. Chaypi runakunatam servinqaku, hinaspam 400 wata ñakarichisqa kanqaku.+ 14 Chaymi ñuqañataq ñakarichiqnin runakunata ñakarichisaq,+ hinaptinmi paykunaqa tukuy imayuq chaymanta lluqsimunqaku.+

22 Sapa warmim mañakunqa qurimanta hinaspa qullqimanta alaqakunata, mañakunqataqmi pachakunatapas. Chaykunataqa mañakunqa vecinanmantawan wasinpi yachaq warmimantam. Tukuy chaykunawanmi churikichikkunata churachinkichik. Chaynatam Egipto runakunapa tukuy imankuta apakunkichik”, nispa.+

35 Chaymantapas Moisespa nisqanman hinam Egiptopi runakunamanta mañakurqaku qurimantawan qullqimanta alaqakunata hinaspa pachakunata.+ 36 Israelpa miraynin runakunata Jehova Dios yanapaptinmi Egipto runakunaqa manaña chiqnirqakuchu, chaymi tukuy ima mañakusqankuta quykurqaku. Chaynatamá Israelpa miraynin runakunaqa Egipto runakunapa tukuy imankuta apakurqaku.+